ئىسپانىيە ئا دەرىجىلىكلەر بىرلەشمىسى 11-ئايلانمىسىدا، خانلىق مادرىد ساھىبخان مەيداندا 1-2 نەتىجىدە ئالاۋېسقا ئۇتتۇرۇپ قويدى، بۇ مەيدان مۇسابىقىدە خازارد يارىلاندى، بۇ قېتىملىق يارىلىنىشنى قوشقاندا، بېلگىيەلىك بۇ توپچى خانلىق مادرىدقا قوشۇلغاندىن بۇيان توققۇز قېتىم يارىلىنىپ بولدى.

خازارد 2019-يىلى 7-ئاينىڭ 1-كۈنى 115 مىليون ياۋرو باھادا چېلسىدىن خانلىق مادرىدقا يۆتكەلگەن، بۇنىڭدىن ئىلگىرىكى سەككىز قېتىملىق يارىلىنىش جەريانىدا 253 كۈن ئارام ئېلىپ، 36 مەيدان مۇسابىقىگە قاتناشمىغان. خازارد خانلىق مادرىدقا قوشۇلغاندىن كېيىن ھەرتۈرلۈك مۇسابىقىلەردە 28 مەيدان مۇسابىقىگە قاتنىشىپ، ئۈچ توپ كىرگۈزۈپ يەتتە ياردەمچى پاس بەرگەن.