يېقىنقى يىللاردىن بۇيان، بارغانسېرى كۆپلىگەن جۇڭگولۇق ساياھەتچىلەر يىللىق دەم ئېلىشتىن پايدىلىنىپ ياپونىيەنىڭ ھەرقايسى جايلىرىغا ساياھەتكە باردى، بۇنىڭ ئىچىدە يەنە شەھەر ساياھىتىنى ئاساس قىلغان بولۇپ، توكيو، ناگويا، كيوتو، ئوساكا، كوبې ۋە نارا قاتارلىق بىرقانچە شەھەر ساياھەتچىلەرنىڭ قىزغىن قارشى ئېلىشىغا ئېرىشتى. كۆپ ساندىكى ساياھەتچىلەر ياپونىيەگە ساياھەتكە بارغاندا، ئاساسەن توكيودىن يولغا چىقىپ، ئوساكاغا بېرىپ ساياھەت قىلىدۇ، ئەڭ ئاخىرىدا نارا ساياھەت پائالىيىتىنىڭ ئاخىرلىشىش ئورنى قىلىنىدۇ. ئادەتتە نارانىڭ سەپىرىگە «بىر كۈنلۈك ساياھەت» ئورۇنلاشتۇرۇلىدۇ، نارادا بىر كۈن ئىچىدە كۆرۈشكە ئەڭ ئەرزىيدىغان بىرقانچە ۋەكىل خاراكتېرلىك مەنزىرە نۇقتىسى بار.

قەدىمكى دەۋردە، ياپونىيەنىڭ كيوتو-ئوساكانىڭ شەرقىدىكى نارا شەھىرى «پىڭچېڭ ئاستانىسى» دەپ ئاتالغان، 710-يىلى شەھەر قۇرۇلغاندىن تارتىپ 785-يىلىغىچە ياپونىيەنىڭ پايتەختى بولغان، ئۇ ھازىرغىچە 1300 يىلدىن ئارتۇق تارىخقا ئىگە بولۇپ، ئۇنى «مىڭ يىللىق قەدىمىي پايتەخت» دەپ ئاتىسىمۇ ئارتۇقلۇق قىلمايدۇ. نارا دەۋرىدە قۇرۇلغان ئاستانە جۇڭگونىڭ تاڭ سۇلالىسى دەۋرىدىكى چاڭئەن ۋە لوياڭنىڭ تەسىرىگە ئۇچرىغان بولۇپ، كۆپ ساندىكى ئىمارەتلەردە «چاڭئەن»، «لوياڭ» قاتارلىق قەدىمكى پايتەخت دەۋرىدىكى بىناكارلىق ئۇسلۇبى چوڭقۇر ئۆرنەك قىلىنغان.

ئوساكاغا بېرىش، كوبې ۋە جىلۇ شەھىرىگە بارىدىغان «بىر كۈنلۈك ساياھەت» بىلەن ئانچە پەرقلەنمەيدۇ، كيوتودىن ناراغا بېرىشمۇ ناھايىتى ئاددىي. كيوتو بېكىتىدىن يولغا چىققاندا، JR نارا لىنىيەسىگە ئولتۇرۇش ئەڭ تېز ئۇسۇل بولۇپ، 45 مىنۇتتىلا يېتىپ بارغىلى بولىدۇ (ئىككى جاينىڭ ئارىلىقى تەخمىنەن 47 كىلومېتىر). نارا شەھىرىنىڭ ئۆزى ئانچە چوڭ ئەمەس، ئۇنىڭ ئۈستىگە مەنزىرە نۇقتىلىرى بىرقەدەر زىچ. نارادا بېرىش زۆرۈر بولغان بىر قانچە ۋەكىل خاراكتېرلىك مەنزىرە نۇقتىلىرى بار، بۇ يەرنى بىر كۈندە ئاساسىي جەھەتتىن كۈرۈپ بولغىلى بولىدۇ.

ئالدى بىلەن شۇنى ئالاھىدە ئەسكەرتىشكە توغرا كېلىدۇكى، مەيلى سىز نارا سەپىرىنى قانداق پىلانلاڭ، ناراغا بارغاندىن كېيىن تاماق ئىزدەشكە باشلىشىڭىزنى كۈچلۈك تەۋسىيە قىلىمىز. چۈنكى نارا شەھەر رايونىدىكى يېمەك-ئىچمەك تاللاش سەل يېتەرسىز، ئۇنىڭ ئۈستىگە ساياھەتچىلەر كۆپ. تاماق ۋاقتىنىڭ يۇقىرى پەللىسىدە تاماق يېسىڭىز، مەيلى داڭلىق ئاشخانىلار ياكى ئادەتتىكى ئاشخانىلار بولسۇن، كىشىلەر ئۇزۇن ئۆچرەتتە تۇرۇپ ۋاقىتنى ئىسراپ قىلىۋېتىشى مۇمكىن.

ياپونىيەنىڭ نەندۇدىكى يەتتە چوڭ ئىبادەتخانىنىڭ بىرى بولغان شىڭفۇ ئىبادەتخانىسى (ئىشىك بېلىتى يوق، ھەقسىز ئېكسكۇرسىيە قىلىدۇ) نىڭ ئىچىدىكى ئېگىز قەدىمىي ئىمارەتلەردىن باشقا، بەش قات مۇنار نارا شەھىرىنىڭ بەلگىسى ۋە سىمۋولى، ئۇنىڭ ئېگىزلىكى كيوتو شەرقىي ئىبادەتخانىسىنىڭ بەش قات مۇنارىدىن قالسىلا ياپونىيەدىكى ئىككىنچى ئېگىز قەدىمىي مۇنار ھېسابلىنىدۇ. شىڭفۇ ئىبادەتخانىسىنى بەك كۆپ ۋاقىت سەرپ قىلماي، يۈزەكى كۆزەتسىلا بولىدۇ، بۇ جاي نارا رايونىدىكى كۈن پېتىشتىن ھۇزۇرلىنىدىغان ياكى كېچىلىك مەنزىرىنى سۈرەتكە تارتىدىغان ياخشى جاي ھېسابلىنىدۇ.

يىشۇييۈەن باغچىسى بىلەن جىچېڭيۈەن باغچىسى نارادىكى ئىككى بەلگە خاراكتېرلىك ياپونچە باغچا بولۇپ، ھەممىسى نارا ناھىيەلىك ھۆكۈمەتنىڭ شەرق تەرىپىدە، جىچېڭيۈەن باغچىسى خەلقئارالىق ساياھەتچىلەرگە ھەقسىز، يىشۇييۈەن باغچىسى ھەر بىر ئادەمگە ياپونىيە پۇلى بويىچە 900 يېن ئېلىنىدۇ. ئەمەلىيەتتە، نارا شەھىرىنىڭ تەخمىنەن ئۈچتىن بەش قىسمى باغچىلار بىلەن قورشالغان بولۇپ، نارالىقلارنىڭ تۇرمۇش مۇھىتى دەرىجىدىن تاشقىرى باغچىغا ئوخشايدۇ دېيىشكە بولىدۇ. بۇ ئىككى باغچا ئىچىدە يىشۈييۈەن باغچىسى بىرئاز ئەۋزەللىككە ئىگە، ئۇ باغ-ئورمان دېكوراتسىيىسى جەھەتتە مەنزىرە ئارىيەت ئېلىپ بېزەش ئۇسۇلىنى ئەپچىللىك بىلەن قوللانغان، يەنە بىۋاسىتە جىچېڭيۈەن باغچىسىغا بارسىڭىزلا بولىدۇ. جىچېڭ باغچىسى كىشىگە تېخىمۇ يېقىن تۇيغۇ بېرىدۇ، سەيلە قىلىش جەريانىدا كىشىنى تېخىمۇ ئەركىن ھېس قىلدۇرىدۇ، بۇ يەردە ياش ساياھەتچىلەر ناھايىتى كۆپ، ئارام ئېلىش ئۇسۇلىمۇ نىسبەتەن ئەركىن بولىدۇ.

جىچېڭ باغچىسىدىن چىقىپ، جەنۇبقا 400، 500 مېتىر ماڭغاندا نارادا ئەڭ قارشى ئېلىنىدىغان داڭلىق شەھەر باغچىسى مەنزىرە نۇقتىسى ـــ باھار چوڭ سارىيى بار. بۇ 1300 نەچچە يىل ئىلگىرى قۇرۇلغان بولۇپ، تەبىئەت ۋە مەنىۋى دۇنيانىڭ بىر خىل يۇغۇرۇلۇپ گەۋدىلىنىشى، شۇنداقلا نارا تارىخىنىڭ بىر ئىخچام كۆرۈنۈشى (كىرىش بېلىتى: 500 يېن / ئادەم، دۆلەت گۆھىرى سارىيى 500 يېن، ۋەنيې ئۆسۈملۈك باغچىسى 500 يېن). باھار چوڭ سارىيىدا، ياۋا بۇغا ۋە چىرايلىق ئورمانلىقلار بار، يەنە قەدىمىي ئىبادەتخانا ئىمارەتلىرى بولۇپ، ھەربىر ئىمارەتكە قاتار ـ قاتار پانۇسلار ئېسىلغان... بۇلارنىڭ ھەممىسى كىشىگە قەدىمىي ۋە ئىپتىدائىي پۇراقنى ھېس قىلدۇرىدۇ.

باھار سارىيىنىڭ شىمالىي تەرىپى بىلەن قوشنا بولغىنى داڭلىق نارا شەرقىي چوڭ ئىبادەتخانىسى (كىرىش بېلىتى 600 يېن / ئادەم) بولۇپ، ئىچىدىكى ئورمانلىق ئارىسىدىكى چىغىر يول نۇرغۇن كىچىك مەنزىرە رايونلىرىغا تۇتاشقان، ساياھەتچىلەر بىر-بىرلەپ ئېكسكۇرسىيە قىلالايدۇ. مەنزىرە نۇقتىلىرىغا تۇتىشىدىغان تاغقا چىقىدىغان پىيادىلەر يولىنىڭ ئىككى تەرىپىدە نۇرغۇن تاش پانۇسلار بار بولۇپ، ناھايىتى چىرايلىق. سىز باھار سارىيىنىڭ ئىككىنچى قەۋىتىگە چىققاندا، غەربكە قاراپ راۋاق تەرەپكە ماڭسىڭىز، پۈتكۈل نارا شەھىرىنىڭ مەنزىرىسىگە نەزەر سالالايسىز.

نارادىكى بۇغىلار ناھايىتى داڭلىق بولۇپ، نارانىڭ ساياھىتى توغرىسىدىكى بارلىق تېما، ماقالىلەردە ئۇلار تىلغا ئېلىنغان ھەمدە «ھىيلىگەر» ، «ئەسەبىي» ، «ئاچ كۆز» ، «ئوماق ئەخمەق» قاتارلىق ئادەملەشتۈرۈلگەن ئالاھىدىلىكلەر كۆرسىتىلگەن. ئەمەلىيەتتە، نارادىكى بۇغىلارنىڭ ھەممىسى ياۋايى بولۇپ، ئىنسانلار بىلەن دائىم «ئالاقە قىلىپ تۇرىدۇ ، ئەمما ئۇلار يەنىلا بەلگىلىك تەبىئىي تەبىئىتىنى ساقلاپ قالىدۇ، ئۇنىڭ ئۈستىگە بۇغىلارنىڭ پائالىيەت رايونىمۇ مۇقىم ئەمەس، ئەمما نارا رايونىدىكى شەھەر باغچىلىرىدا ئۇلارنى كۆرگلى بولىدۇ.