بۈگۈن سۆزلىمەكچى بولغان بۇ ئەربابنى كۆپچىلىكنىڭ ھەممىسى پىششىق بىلىدۇ. ئۇنىڭ ئۈستىگە مەكتەپتە ئوقۇۋاتقان ۋاقتىمىزدا ئۇ بىزنى ئاز قىينىمىغان. ئومۇمەن ئۇنىڭ تېكىستلىرىنىڭ ھەممىسىنىڭ كەينىدە ھەممەيلەنگە ناھايىتى تونۇش بولغان: «تېكىستىنى تولۇق دېكلاماتسىيە قىلىڭ ۋە يادقا يېزىڭ»دىن ئىبارەت خەتلەرنى كۆرەتتۇق. مەنچە كۆپچىلىكنىڭ ھەممىسى پەرەز قىلىپ بولدى، شۇنداق، بۇ ئەرباب دەل-لۇشۈن ئەپەندى.

لۇشۈننىڭ قانچىلىك كۈچلۈك ئىكەنلىكىنى «نوبېل مۇكاپاتى ساھبى دەرىجىسى»دىكى كەسىپداشلىرىنىڭ نېمە دېگەنلىكىنى ئاڭلاپ باقساقلا بىلەلەيمىز. «ئەگەر مەن< ئاQ نىڭ تەرجىمىھالى>دەك ئەسەردىن بىرنى يازالىغان بولسام، بارلىق ئەسەرلىرىمنى شۇ بىر ئەسەرگە تىگىشىشكە رازى ئىدىم» دەيدۇ مويەن.

كېنزابۇرۇئو (大江健三郎) : «ھاياتىمدا لۇشۈن ئەپەندىگە ئىدىيە جەھەتتىن يېقىنلىشىشنى ئۈمىد قىلاتتىم، پەقەت ئازراقلا يېقىنلىشالىسام مەن ئۈچۈن يىتەرلىك ئىدى، بۇ مەن ئۈچۈن كاتتا شەرەپ بولاتتى.»

رومىن روللان مۇنداق دېگەن: «ئۇنىڭ ئەسىرىنى ئوقۇغان شۇ دەقىقىدە، مەن ئۆزۈمنى تۇتۇۋالالماي يىغلاپ كەتتىم». شۇنىڭدىن كېيىنكى ئۆمرىدە رومىن روللان لۇشۈن ئەسەرلىرىنى فرانسىيەدە ئومۇملاشتۇرۇشقا نۇرغۇن كۈچ چىقارغان.

پۈتۈن دۇنيا مىقياسىدىمۇ لۇشۈنگە ئوخشاش كەسىپداشلىرىنىڭ يۈكسىەك ھۆرمىىتىگە ئىرىشكەن يازغۇچى ناھايىتى ئاز ئۇچرايدۇ. ئەمما ئۆز ۋەتىنىدە ئۇنىڭ ئەسەرلىرىنى ئوقۇپ باقمىغان كىشىلەر، ئۇنىڭ شان ـ شەرىپىدىن گۇمانلانغان، ئۇنىڭ ئەسەرلىرىنى ئوقۇپ باققان كىشىلەر بولسا، كىشىلەرنىڭ ئۇنىڭغا سەل قارىغانلىقىدىن خۇرسىنىشىدۇ.

بىر نەچچە يىل خىزمەت قىلغاندىن كېيىن، تۇغۇلغان كىچىك بازارغا قايتىپ كېلىپ، بالىلىق چاغلىرىمدىكى ھەمراھلىرىم بىلەن كۆرۈشتۈم، بەزىلىرى تولۇقسىز ئوتتۇرا مەكتەپنى پۈتتۈرۈپلا ئۆي ئوچاقلىق بوپتۇ، بەزىلىرى سىرتقا چىقىپ كان كولاپتۇ، بەزىلىرى ئاتا ـ بوۋىلىرىنىڭ ھاياتىنى تەكرارلاپ، خىش-كاھىشلارنى توشۇپ يۈرۈشۈپتۇ. ئۇلار بىلەن كۆرۈشكەندە، ئۇلارنىڭ ئۇچراشقان دوستلار بىلەن نېمە دېيىشىپ سالاملىشىشنىمۇ بىلمەيدىغانلىقىنى بايقىدىم.

بۇ چاغدا تۇيۇقسىز لۇشۈن بىلەن رۈنتۇنى، رۈنتۇنىڭ لۇشۈننى ھۆرمەت بىلەن چاقىرغان «بېگىم» دېگەن سۆزىنى، لۇشۈننىڭ رۈنتۇنىڭ بالىسىنى كۆرگەنلىكىنى، ھەتتا رۈنتۇنىڭ بالىلىق ۋاقتىنى كۆرگەندەك بولغانلىقىنى ئەسكە ئالدىم. شۇ چاغدىلا ئاندىن ھەممىگە مەنسىتمەسلىك بىلەن قارايدىغان بۇ ئەرنىڭ 100 يىل بۇرۇنلا بىزنى چۈشىنىپ بولغانلىقىنى ھېس قىلىدىم.

خۇددى يۈ دافۇنىڭ لۇشۈنگە بەرگەن باھاسىغا ئوخشاش: «بىز قىسمەنلىكنى كۆرگەندە، ئۇ ھەممىنى كۆرۈپ يىتىپ بولغان. بىز رېئاللىقنى ئىگەللەشكە بېرىلىپ كەتكەندە، ئۇ قەدىمكى بىلەن ھازىرقىنى ۋە كەلگۈسىنى ئاللىقاچان ئىگىلەپ بولغان ئىدى.

ھېلىمۇ ياخشى، نۇرغۇن كىشىلەر بىر نەچچە يىل ياشىغاندىن كېيىن، ئۇنىڭ ئەسەرلىرىنى قايتىدىن قولىغا ئېلىپ، ئۇنىڭ چوڭقۇرلۇقىنى، ئۇنىڭ ئۆزلىرىدىن نەچچە ھەسسە ئالدىغا ئۆتۈپ كەتكەنلىكىنى بايقىدى.

مەنچە ھەربىر قۇرامىغا يەتكەن كىشى لۇشۈننى يەنە بىر قېتىم ئوقۇشى كېرەك. ئارىدىن 100 يىل ئۆتكەن بولسىمۇ، لۇشۈننىڭ ھەربىر سۆز-جۈملىلىرى ھېلىھەم دىققەت قىلىشقا ئەرزىيدۇ. بىز ھەل قىلالماي، ئويلىشىۋاتقان مەسىلىلەرگە لۇشۈن ئاللىقاچان ئۆز ئەسەرلىرىدە جاۋاب بېرىپ بولغان ئىدى.

来源：爱酷艺

监制：麦麦提江

审稿：阿米娜

稿子：乃扎尔

制作：张伟