مىسىر بۈگۈن پايتەخت قاھىرەنىڭ جەنۇبىدىكى ساكارادا قەدىمكى خانىشنى ۋە 52 ياغاچ تاۋۇتنى ئۆز ئىچىگە ئالغان بىر تۈركۈم يېڭى خەزىنىنى بايقىغانلىقىنى جاكارلىدى.

مىسىر ئېكسكۇرسىيە ۋە قەدىمىي بۇيۇملار بۆلۈمىنىڭ بىلدۈرۈشىچە، بۇ داڭلىق مىسىرلىق ئالىم ھاۋاس باشچىلىقىدىكى ئارخېئولوگىيە ئەترىتىنىڭ« مۇھىم بايقىشى» ئىكەن. بۇلار يەر ئاستىدىكى تەخمىنەن 10 مېتىردىن 12 مېتىرغىچە كېلىدىغان 52 قۇدۇقدىن بايقالغان. ساكارا تەۋەسىدە ئون نەچچە ئېھرام بولۇپ، قەدىمكى مىسىرنىڭ پايتەختى مەنفىستىكى كەڭ كۆلەمدىكى يەر، مەنفىس خارابىسى 1970-يىلى ب د ت مائارىپ، پەن، مەدەنىيەت تەشكىلاتى تەرىپىدىن دۇنيا مىراسلىرى قاتارىغا كىرگۈزۈلگەن. مىسىر بۇلتۇر 11-ئايدا 100 دىن ئارتۇق مۇكەممەل جەسەت ساندۇقى بايقىغانلىقىنى جاكارلىدى، بۇ بۇلتۇرقى ئەڭ چوڭ كۆلەملىك ئارخېئولوگىيىلىك بايقاش بولۇپ، بۇ بىر تۈركۈم ھىم ياغاچ جەسەت ساندۇقى ۋە قەدىمكى ھەيكىلىنىڭ دەۋرىنى 2500 يىلدىن كۆپرەك ۋاقىت ئىلگىرى سۈرۈشتۈرۈشكە بولىدۇ. بۈگۈن ئېلان قىلغان باياناتىدا مۇنۇلارنى بىلدۈردى:« ئەڭ يېڭى بايقاش مىلادىدىن بۇرۇنقى 16-ئەسىردىن مىلادىدىن بۇرۇنقى 11-ئەسىرگىچە بولغان يېڭى پادىشاھلىق تارىخىنى يېڭى يىپ ئۇچى بىلەن تەمىنلىشى مۇمكىن.»

يۇقىرىدا بايان قىلىنغان قەدىمكى بۇيۇملار مىسىرنىڭ قەدىمكى پادىشاھلىق دەۋرىدىكى 6-سۇلالىنىڭ تۇنجى فىرئەۋىنى تېتى مەڭگۈلۈك ئۇيقۇغا كەتكەن ئېھرام ئەتراپىدىن قېزىۋېلىنغان.

来源：爱酷艺

监制：麦麦提江

审稿：阿米娜

稿子：乃扎尔

制作：张伟