ئامېرىكىدىكى نوپۇزلۇق ژورنال «ئىستېمالچىلار دوكلاتى» (Cosumer Reports) يېقىندا 2021-يىلىدىكى ئەڭ ئىشەنچلىك ئاپتوموبىل ماركىلىرى تىزىملىكىنى ئېلان قىلدى. مازدا، BMW، سۇبارۇ قاتارلىقلار ئالدىنقى ئۈچ ئورۇنغا تىزىلدى. «ئىستېمالچىلار دوكلاتى»نىڭ كۆرسىتىشىچە، ئادەتتە ئاپتوموبىل ماركىلىرىنىڭ ئىشەنچلىكلىك رەت-تەرتىپى يول سىنىقى، ئىشەنچلىكلىك سىنىقى، ئاپتوموبىل ئىگىسىنىڭ رازى بولۇش دەرىجىسى ۋە ئاپتوموبىل بىخەتەرلىكىدىن ئىبارەت تۆت جەھەتتىن ئۇنىۋېرسال ئويلىشىلىدىكەن.

بۇ تىزىملىكتە مازدا 80 نومۇر بىلەن 1-ئورۇندا تۇرغان. تىلغا ئېلىشقا ئەرزىيدىغىنى شۇكى، بۇلتۇر 11-ئايدا «ئىستېمالچىلار دوكلاتى»دا ئېلان قىلىنغان بىر تىزىملىكتە، مازدا ئوخشاشلا 83 نومۇر بىلەن چېمپىيون بولغان. ئۇ چاغدا «ئىستېمالچىلار دوكلاتى» مازدانىڭ چېمپيون بولۇش سەۋەبىنى مۇنداق ئىزاھلىغان: «مازدا ئاپتوموبىلىنىڭ يېڭى نۇسخىسىدا چوڭ ئۆزگىرىش يوق، بۇ ئاپتوموبىلدا يېڭى تېخنىكا سەۋەبىدىن ئويلىمىغان يېتەرسىزلىكلەر كۆرۈلۈش ئېھتىماللىقىنى كىچىكلىتىدۇ».

بۇلتۇر ئاپتوموبىل ماركىلىرىنىڭ ئىشەنچىلىكلىكى تىزىملىكىدە ئالدىنقى ئورۇندا تۇرغان پورسىچى بۇ يىل 4-ئورۇنغا چۈشكەن، خوندا، لېكساس ۋە تويوتا پورسچىنىڭ كەينىگە تىزىلغان، بۇنىڭ ئىچىدە، خوندا ماركىسىنىڭ ئۆرلەش نىسبىتى ئەڭ يۇقىرى بولغان، لېكساس بولسا 2019-يىلىدىكى چېمپيونلۇق ئورنىدىن بۇ يىل بىراقلا 6-ئورۇنغا چۈشۈپ قالغان. ئۇنىڭدىن باشقا مېرسېدېس-بېنىز بىلەن كادىلاك 21-ئورۇندا، تېسلا 16-ئورۇندا تۇرغان.

«ئىستېمالچىلار دوكلاتى»دا كۆرسىتىلىشىچە، Model S، Model Y ۋە Model Xنىڭ ئىشەنچىلىكلىكى جەھەتتە كۆرۈلگەن مەسىلىلەر سەۋەبىدىن تېسلانىڭ ئورنى بۇلتۇرقىغا سېلىشتۇرغاندا بەش دەرىجە تۆۋەنلەپ، 16-ئورۇنغا چۈشۈپ قالغان. لىنكولن بۇلتۇر بازارغا سالغان «دېڭىزچىلار» ۋە «ئۇچقۇچىلار» ناملىق ئاپتوموبىلىنىڭ يول سىنىقىدىكى ئىپادىسى ياخشى بولغان، ئەمما ئىشەنچىلىكلىك دەرىجىسى ئوتتۇرىچە سەۋىيەدىن خېلىلا تۆۋەن بولغان.

ئاپتوموبىل ماركىلىرىنىڭ ئىشەنچىلىكلىك تىزىملىكىنى ئېلان قىلىش بىلەن بىللە، «ئىستېمالچىلار دوكلاتى» يەنە 2021-يىلىدىكى «ئون ياخشى ئاپتوموبىل تىپى»نى ئېلان قىلدى. تويوتانىڭ كاروللا، PRIUS، كامرىي قاتارلىق ئاپتوموبىللىرى ئەڭ چوڭ غالىبىيەتچىگە ئايلاندى، ئۇنىڭدىن باشقا، تېسلا Model 3 يەنە بىر قېتىم «يىللىق ئەڭ ياخشى توكلۇق ئاپتوموبىل» بولۇپ باھالاندى.

来源：爱酷艺

监制：麦麦提江

审稿：阿米娜

稿子：乃扎尔

制作：张伟