چېمپىيونلۇق بىرلەشمىسىنىڭ بۇ ئايلانما مۇسابىقىسىدە، خانلىق مادرىد 0:2 نەتىجىدە خەلقئارا مىلاننى يەڭدى. مۇسابىقىدىن كېيىن، خانلىق مادرىد باش ترېنېرى زىدانى مۇخبىرلارنى كۈتۈۋېلىش يىغىنىغا قاتناشتى ۋە بۇ مۇسابىقە توغرىسىدىكى بەزى تېمىلار توغرىسىدا سۆزلىدى.

1. مارادونانىڭ ۋاپاتى

بۇ دۇنيا پۇتبولچىلىقى ئۈچۈن غايەت زور يوقىتىش، كاللامدا ئۇنىڭ 1986-يىللىق دۇنيا لوڭقىسىدىكى ئىپادىسى پەيدا بولدى، ئۇ چاغدا مەن 14 ياشتا ئىدىم، مەن ھازىر سۆزلىيەلمەيۋاتىمەن، بىز ھەممىمىز بەك قايغۇردۇق.

2. بۈگۈنكى مۇسابىقە

بىز بىر مەيدان نادىر مۇسابىقىنى تاماملىدۇق، بىز باشتىن-ئاخىر ناھايتى ئەستايىدىل ئويناپ، ئۆزىمىزنىڭ ئالاھىدىلىكىنى جارى قىلدۇردۇق، بۇ ئىنتايىن مۇھىم ئۈچ نومۇر، بىز ئەڭ ياخشى ئىپادىمىزنى كۆرسەتتۇق، مەن توپچىلاردىن خۇشال. ئۇلار بىرەر ئىش قىلىشى كېرەك بولغان ھامان، شۇنداق قىلالايدۇ.

3. ۋىللارېئال بىلەن بولغان مۇسابىقىگە ئوخشىمايدىغان تەرەپلەر

مانا بۇ پۇتبول، بىز ۋىللارېئال بىلەن بولغان مۇسابىقىدە غەلىبىگە لايىق ئىدۇق، ئەڭ مۇھىمى مۇسابىقىدە ھەممە كۈچنى ئىشقا سېلىش.

4. خازارد

خازاردتا كەم بولىۋاتقىنى مۇسابىقە پۇرسىتى، ئۇ تېخىمۇ كۆپ مۇسابىقىگە قاتنىشىش ئارقىلىق تۇيغۇسىنى تېپىشى كېرەك.

5. زىدانىنىڭ تەلىپى بەك قاتتىق

مەن ئۇنچە تەلەپچان ئەمەس، مەن بەك خۇشال. بۈگۈن بىز بىر قايغۇلۇق خەۋەرگە ئېرىشتۇق، مەن سەل چارچىدىم، بىراق مەن بەك رازى.