ئۈندىدارنىڭ مەۋجۇت بولۇپ تۇرۇش ۋاقتى 10 يىلدىن ئېشىپ كەتمەيدۇ. 5Gنىڭ تېز سۈرئەتتە ئالمىشىشى ۋە كونا بىر ئەۋلاد كىشىلەرنىڭ سۆز قىلىش ھوقۇقىنىڭ چېكىنىشىگە ئەگىشىپ، دەۋر چوقۇم ئۈندىداردىن ۋاز كېچىدۇ.

ئۈندىدارنىڭ شۇنچە ئالقىشلىنىشىدىكى سەۋەپ ئۇنىڭ قىسقا ئۇچۇر مۇلازىمىتىنىڭ ئورنىنى ئالغانلىقىدا. 80-يىللاردا تۇغۇلغان نۇرغۇن كىشىلەر جوۋ جيېلۈن (周杰伦) ئوبراز ۋەكىلى بولغان «ھەرىكەتچان رايون» (动感地带)نى پىششىق بىلىدۇ. 3G دەۋرىدە 140 خەت چەكلىمىسىگە ئىگە بولغان قىسقا ئۇچۇر ياشلارنىڭ ناھايتى ياخشى كۆرۈشىگە ئېرىشكەن ئىدى. ئۇ چاغدا كىشىلەرنىڭ يۇقىرى ھەقلىق يۈرۈشلۈك مۇلازىمەتنى تاللىشىدىكى سەۋەب پۈتۈنلەي سوۋغا قىلغان مىڭدىن ئارتۇق قىسقا ئۇچۇر مۇلازىمىتى ئۈچۈن ئىدى.

4G دەرىجىسىنىڭ 5G گە كۆتۈرۈلۈشىگە ئەگىشىپ، تاۋۇش دەۋرىدىكى ئۈندىدارنىڭ ئورنىنى پات ئارىدا تېخىمۇ ئەتراپلىق ئۇچۇر تارقىتىدىغان ۋىدىيولۇق خەۋەرلىشىش يۇمشاق دېتالى ئالىدۇ. 5G دەۋرىدە، مەيلى ۋىدىيولۇق خەۋەرلىشىش بولسۇن ياكى VR ئالاقىسى بولسۇن، ھەممىسى ئومۇميۈزلۈك يېزىق ئۇچۇرىنىڭ ئورنىنى ئالىدۇ.

بىز نېمىشقا يېزىققا ئۆچ؟
مىلادىيە 1-ئەسىر ئۆپچۆرىسىدە شەرق-غەرب مەدەنىيىتىدە غايەت زور ئۆزگىرىش بولۇپ، كېيىنكى ۋاقىتلارغا چوڭقۇر تەسىر كۆرسەتكەن كۇڭزى، ئەپلاتون، ساكيامانى قاتارلىق مۇتەپپەككۇرلەرنى بارلىققا كەلتۈرگەن. ھالبۇكى، بۇ ئۇلۇغ مۇتەپپەككۇرلارنىڭ ھەممىسى يېزىققا ئىنتايىن ئۆچ ئىدى.

كۇڭزى شاگىرتلىرىنىڭ ئۆزىنىڭ سۆز-ھەرىكىتىنى يېزىق ئارقىلىق خاتىرىلىشىگە ئىنتايىن قارشى تۇرىدىغان بولۇپ، بۇ ئۇنىڭ ساۋاتسىز ئىكەنلىكىدىن دېرەك بەرمەيدۇ، كۇڭزى «مۇھاكىمە ۋە بايان» ناملىق ئەسىرىنى سان-ساناقسىز ھەرپلەر بىلەن يېزىپ چىققان. كۇڭزىنىڭ يېزىققا قارشى تۇرۇشىدىكى سەۋەب شۇكى، يېزىق نۇرغۇن مۇھىم ئۇچۇرلارنى چۈشۈرۈپ قويىدۇ. ئەگەر سىز ھازىر ئۈندىداردا دوستىڭىز بىلەن پاراڭلاشسىڭىز، ئەگەر چىراي ئىپادىسى بەلگىسى بولمىغاندا قارشى تەرەپ ھەتتا نۆۋەتتىكى سۆھبەت مەزمۇنىنى خاتا چۈشىنىپ قىلىشى مۇمكىن. مەسىلەن قىز دوستىڭىز «مەن خاپا بولمايمەن» دېگەن بىر تال ئۇچۇرنى ئەۋەتسە، ئۇنداقتا ئۇنىڭ زادى خاپا بولغان ياكى بولمىغانلىقىنى بىلەلەمسىز؟
شۇڭا ئەڭ بۇرۇنقى يۇنان ئەپسانىلىرىمۇ يېزىق ئارقىلىق ئەمەس، بەلكى شائىرلارنىڭ دېكلاماتسىيە قىلىشىغا تايىنىپ تارقالغان. ساكيامونىنىڭ ئىدىيەسى بولسا ئۇنىڭ شاگىرتلىرىنىڭ ئېغىزدىن-ئېغىزىغا كۆچۈش ئارقىلىق تارقالغان. ئىنسانلارنىڭ نەچچە يۈز مىڭ يىللىق تەدرىجىي تەرەققىيات تارىخىدا، يېزىقنىڭ بارلىققا كەلگىنىگە پەقەت 2000 يىلدىن ئارتۇق ۋاقىت بولدى. يېزىق ئەڭ ياخشى ئۇچۇر ۋاسىتىسى ئەمەس، ئۇ ھېچ بولمىغاندا بىزنىڭ چىراي ئىپادىمىزنى ۋە ھازىرقى كەيپىياتىمىزنى ئىپادىلەپ بېرىشكە ئامالسىز.

ئۈندىدار چوقۇم يوقايدۇ.
ئەينى يىلى بىز 4G نى يېڭى بىر ئۇقۇم قاتارىدا كۆرگەنگە ئوخشاش، نۇرغۇن كىشىلەر 5G نىڭ تور سۈرئىتى 4G نىڭكىدىن تېزراق بولىدۇ، ئۇنىڭدىن باشقا ئالاھىدە بىر ئارتۇقچىلىقىمۇ يوق دەپ قارايدۇ. ھازىر نۇرغۇن كىشىلەرنىڭ نەزىرىدە 4G تورى بىزنىڭ بارلىق ئېھتىياجىمىزنى قاندۇرالايدىغان بولۇپ، بۇ ئېھتىياجلار سۈرەت، ۋىدىيو يوللاش، ئۈندىداردا پۇل تاپشۇرۇش قاتارلىق مەزمۇنلارنى ئۆز ئىچىگە ئالىدۇ. ئەمەلىيەتتە بۇ ئېھتىياجلارغا 4G تور سۈرئىتىنىڭ مىڭدىن بىرى بولسىلا تامامەن يېتىدۇ.
ھەممە ئادەم كۆز ئالدىدىكى مەنزىرىدىن قايمۇقۇپ قالىدۇ، ئەمەلىيەتتە ھازىر جەمئىيەتتە 5G تورىغا ئېھتىياجلىق نۇرغۇن ساھەلەر خېلى بۇرۇنلا بارلىققا كەلگەن بولۇپ، پەقەت ئۇلار 4G دەۋرىدە بارلىققا كېلىپ قالغاچقىلا، ئۇلارنىڭ «تەقدىرىنىڭ كاج بولۇشى»نى كەلتۈرۈپ چىقارغان. VRنىڭ تەجرىبىخانىدا پەيدا بولۇشى 90-يىللاردىكى ئىش ئىدى، ئەينى ۋاقىتتا Facebook VR كۆزئەينىكى ياسايدىغان Oculus شىركىتىنى سېتىۋېلىپ، بۇ ساھەدە نەچچە يىل ھۆكۈم سۈرگەن، ئەمما تۈرلۈك ئۇل ئەسلىھەلەر ئۆلچەمگە يەتمىگەچكە، VR تەجرىبىسى ئىنتايىن ناچار بولۇپ داۋاملىق قېتىۋىلىش، بىر تەرەپ قىلىنغان سۈرەتلەرنىڭ قوپال بولۇشى قاتارلىقلار سەۋەپلەر تۈپەيلى ئىشلەتكۈچىلەرنى بۇ مەھسۇلاتتىن ۋاز كېچىشكە مەجبۇر قىلغان.

ئىلگىرى بىز تۆۋەن كاندۇكلۇق (低帧率 كاندۇك دېگىنىمىز ۋىدىيو سۈرەتلىرىنىڭ ئىكراندىن ئۆتۈش تېزلىكى) ۋىدىيولارنى كۆرۈپ ئادەتلەنگەچكە، بۇ ۋىيودا بىر قانچە كاندۇك كەم بولسا قانداق پەرق بولىدىغانلىقىنى ھېس قىلالمايتتۇق. لېكىن ئەگەر بىز يۇقىرى كاندۇكلۇق (高帧率) ۋىدىيوغا كۆنۈپ قالساق، تۆۋەن كاندۇك نىسبىتىگە ماسلىشىشىمىز ناھايتى تەسكە توختايدۇ. مانا بۇ ئىتېراتسىيە پەيدا قىلغان ئۈنۈم، يەنى پەقەت ئالغا ئىلگىرىلەيدۇ كەينىگە چېكىنمەيدۇ.
شۇڭا 5G نىڭ سىرلىق يېرى شۇ يەردىكى ئۇنىڭ كەلگۈسىدىكى قوللىنىشنىڭ نەدىلىكىنى بىلمەيمىز؟ لېكىن ئىشلىتىپ بولغاندىن كېيىن چوقۇم قايتالمايمىز يەنى ئۇنىڭدىن ئايرىلالمايمىز. بەلكىم كەلگۈسىدە ئۈندىدارنىڭ ئورنىنى ئالغىنى VR بولۇشى ياكى دوۋيىن بولۇشى مۇمكىن، لېكىن بىر نۇقتا ئېنىقكى، تېخىمۇ ئەتراپلىق بولغان ئۇچۇر يوللاش ئۇسۇلى چوقۇم پەقەت ئاۋازلىق ياكى ئاددىي ۋىدىيولۇق سۆزلىشىدىغان ئۈندىدارنىڭ ئورنىنى ئالىدۇ، خۇددى ئەينى يىللاردىكى «ھەرىكەتچان رايون»نىڭ ئورنىنى ئۈندىدار ئالغانغا ئوخشاش، بۇ ناھايتى تېۋىشسىز بىر جەريان.

ئۈندىدار نېمىشقا 10 يىل ياشىيالايدۇ؟
ھەر بىر ئەۋلاد كىشىلەر ئارىسىدا ئەۋلاد پەرقى بولىدۇ، ئەۋلاد پەرقى چوڭقۇرلىشىپ بارىدۇكى ھەرگىزمۇ كېچىكلىمەيدۇ. ئەۋلاد پەرقىنىڭ يوقىلىشى ئۈچۈن پەقەت كونا بىر ئەۋلاد كىشىلەر قېرىغاندا، يېڭى بىر ئەۋلاد كىشىلەر ئىستېمالنىڭ ئاساسىي كۈچىگە ئايلىنىشىنى ساقلاشقا توغرا كېلىدۇ. ھەر بىر ئەۋلاد ئىگە بولغان سۆزلىشىش ھوقۇقى ئون يىلدىن ئېشىپ كەتمەيدۇ.
ھازىر بىزنىڭ جەمئىيىتىمىزدە 60-70 يىللاردا تۇغۇلغانلار يەنىلا ئاساسىي ئېقىم بولۇپ، گەرچە 80-90 يىللاردا تۇغۇلغانلار ئېستىمالنىڭ ئاساسىي كۈچىدەك كۆرۈنسىمۇ، ئەمما تىل سىستېمىسى يەنىلا ئالدىنقى بىر ئەۋلاد كىشىلەرنىڭ قولىدا. مەيلى ھوقۇقدارلار بولسۇن ياكى ئاممىۋى تاراتقۇلاردا بولسۇن ئۇلار ئاساسەن پېشقەدەم كىشىلەر.

نۇرغۇن شىركەتلەرنىڭ ئۈندىدار ئارقىلىق ئىش بېجىرىشىدىكى سەۋەب شۇكى، غوجايىن ئۇنى ياخشى كۆرىدۇ؛ ئۈندىدار ئارقىلىق ئۆيدىكىلەر بىلەن ئالاقىلىشىشتىكى سەۋەب كونا بىر ئەۋلاد كىشىلەر پەقەت ئۈندىدارلا ئىشلىتەلەيدۇ. بۇ بىر ئەۋلاد كىشىلەرنىڭ تەدرىجىي قېرىشىغا ئەگىشىپ، يېڭى بىر ئەۋلاد كىشىلەرنىڭ باشقا بىر قورالى بارلىققا كېلىدۇ.
مەلۇم بىر كۈنى بىرسى سىزگە، «بىز دوۋيىندا تونۇشقان» دېسە ھەرگىز ھەيران قالماڭ، سىز پىششىق بىلىدىغان توردىكى مۇھەببەت مۇنبەرلىرى، پەقەت QQ ياكى ئۈندىدارلا بولماسلىقى مۇمكىن. ئۈندىداردىن باشقا يېڭى بىر ئەۋلاد كىشىلەرنىڭ ئالاقە قورالى پات ئارىدا بارلىققا كېلىدۇ.
ئۇنداقتا يېڭى بىر ئەۋلادنىڭ ئالاقە قورالى نېمە؟ بۇنىسى بىزگە نامەلۇم، بەلكىم دوۋيىن بولۇشى مۇمكىن، بەلكىم تېخى پەيدا بولمىغان مەلۇم بىر خىل قوللىنىش بولۇشى مۇمكىن. خۇددى سىزنىڭ قۇلىقىڭىزنى كېسىشكە كۆزىڭىز قىيمىغاندەك، ئۈندىدارمۇ ئۆزىنىڭ جېنىنى ئۆزى ئېلىشى مۇمكىن ئەمەس، پەقەت كېيىنكى مەلۇم خىل ئەمەلىي قوللىنىشچان تېخنىكىلا ئۈندىدارنىڭ ئورنىنى ئالىدۇ.