ESPN، «يەر شارى تەنتەربىيەسى» قاتارلىق كۆپلىگەن تاراتقۇلار بىرازىلىيەلىك 34 ياشلىق ئوتتۇرا مەيدان توپچىسى ئوسكارنىڭ چېكىنىشنى قارار قىلغانلىقىنى، كەلگۈسى بىر نەچچە كۈندە ئالاقە تورىدا ئېلان قىلىنىدىغانلىقىنى دەلىللىدى. ئۇ ئىلگىرى تۇيۇقسىز ھوشىدىن كېتىپ دىياگنوز قويۇلغان.

بىرازىلىيە ئاخبارات ۋاسىتىسى «يەر شارى گېزىتى»نىڭ بۇنىڭدىن بۇرۇنقى خەۋىرىگە ئاساسلانغاندا، ئوسكار ئائىلىسىدىكىلەرگە ھەمراھ بولۇشقا تېخىمۇ كۆپ ۋاقىت چىقىرىشنى ئارزۇ قىلىدىكەن، ئۇ ئايالى بىلەن بىر ئوغۇل، بىر قىز پەرزەنتلىك بولۇشنى ئارزۇ قىلىدىكەن، ئۇ زېھنىنى ساغلاملىق ۋە تۇرمۇش سۈپىتىگە قارىتىپ، بالىلارنىڭ ئۆسۈپ يېتىلىشىگە ھەمراھ بولۇشنى ئۈمىد قىلىدىكەن.

ئۇنىڭ ئۈستىگە مالىيە جەھەتتە، ئوسكار توپلىغان بايلىق نەچچە ئەۋلاد كىشىلەرنى يېمەك-ئىچمەك، كىيىم-كېچەكتىن غەم قىلدۇرماسلىققا تامامەن يېتىدۇ. 2017-يىلى چېلسىدىن ئايرىلغاندىن كېيىن ئۇ جۇڭگو دەرىجىدىن تاشقىرى بىرلەشمىسىدە سەككىز مۇسابىقە پەسلىنى باشتىن كەچۈرگەن بولۇپ، دۇنيادىكى كىرىمى ئەڭ يۇقىرى توپچىلارنىڭ بىرى بولغان. پەرەز قىلىنىشىچە، ئۇنىڭ مۈلكى 1 مىليارد رېيال (خەلق پۇلىغا سۇندۇرغاندا تەخمىنەن 1 مىليارد 302 مىليون يۈەن)دىن ئېشىپ كەتكەن.