ئاپتوموبىل ھەيدىگەندە شوپۇرلارنىڭ ھەمىشە ئۇيقۇسى كېلىپ، مۈگدەپ قالىدۇ. يول يۈرۈش جەريانىدا سەللا بىخەستەلىك قىلسا، ئاسانلا ئېغىر قاتناش ھادىسىسى كېلىپ چىقىدۇ. بىر قىسىم ئۇچۇرلارغا ئاساسلانغاندا، ھەر يىلى مۈگدەپ قېلىشتىن كېلىپ چىققان قاتناش ۋەقەسى 100 مىڭ قېتىمغا يېتىپ، 71 مىڭ ئادەم ئېغىر يارىلىنىدىكەن.

ئۇنداقتا ئاپتوموبىل ھەيدىگەندە مۈگدەپ قالسىڭىز قانداق قىلىسىز؟ قانداق تاقابىل تۇرۇش چارىلىرى بار؟ بۈگۈن كۆپچىلىككە مۈگدەپ قېلىشنىڭ ئالدىنى ئالىدىغان بىر قانچە ياخشى ئامالنى ئۆگىتىپ قويايلى، بۇنىڭ كۆپچىلىكنىڭ بىخەتەر يول يۈرۈشىگە ياردىمى بولۇشىنى ئۈمىد قىلىمەن.

ئاپتوموبىل ھەيدىگەندە مۈگدەپ قالسا قانداق قىلىش كېرەك؟

1. يېتەرلىك ئۇخلاشقا كاپالەتلىك قىلىش كېرەك.

ئاپتوموبىل ھەيدىگەندە مۈگدىمەسلىك ئۈچۈن، ئەڭ ئۈنۈملۈك بولغىنى يېتەرلىك ئۇيقۇنى ساقلاشتۇر. بولۇپمۇ ھاۋا بارغانسېرى ئىسسىپ كەتكەندە، ئاپتوموبىل ھەيدىگەندە ئاسانلا چارچاش ئەھۋالى بولىدۇ، ئەگەر يۇقىرى سۈرئەتلىك يول بۆلىكىدە ئۇزاق ۋاقىت چارچاپ ئاپتوموبىل ھەيدىسە، ئاسانلا مۈگدەش ھالىتىگە كىرىدۇ. شۇنىڭ ئۈچۈن، بۇ ۋاقىتتا بالدۇر ئۇخلاپ، بالدۇر قوپۇپ، يېتەرلىك ئۇخلاشقا كاپالەتلىك قىلىش، يېتەرلىك جىسمانىي كۈچ ۋە زېھنىي كۈچنى زاپاس ساقلاش ئىنتايىن مۇھىم.

2. ئاپتوموبىل ھەيدەشتىن بۇرۇن، تاماقنى بەك كۆپ يىمەسلىك كېرەك.

تاماق يەپ بولغاندىن كېيىن ئاپتوموبىل ھەيدىگەندە، ئاسانلا مۈگدەپ قالىدۇ، بۇ ئاساسلىقى فىزىيولوگىيەلىك تەسىر بولۇپ، ئۈچەي يوللىرىمىز تاماقتىن كېيىن خىزمەت مىقدارىنى ئاشۇرۇۋېتىدۇ، شۇنىڭ بىلەن ئاشقازان، ئۈچەيگە ئېقىپ كىرىدىغان قان كۆپىيىدۇ، بۇنىڭ بىلەن مېڭىنىڭ قان بىلەن تەمىنلىنىشى ئازىيىدۇ، ئاندىن مېڭە ھۈجەيرىلىرىنىڭ ئوزۇقلىنىشى ئازىيىدۇ. يەنە بۇنىڭغا چارچاش ۋە ھارغىنلىق قوشۇلۇپ، مۈگدەپ قېلىشنى ئاسانلا كەلتۈرۈپ چىقىرىدۇ.

3. روھلاندۇرۇش ئىچىملىكى ئىچىش كېرەك.

ئەگەر سىز ئۇزۇن يوللۇق ئاپتوموبىل ھەيدىگەن بولسىڭىز، ئاپتوموبىل ھەيدەش جەريانىدا ئۇيقۇڭىز كەلگەنلىكىنى بايقاپ قالسىڭىز، بۇ چاغدا قىزىل كالا قاتارلىق ئېنېرگىيە ئىچىملىكلىرىنى ئىچىۋېلىڭ. بىر بوتۇلكا ئىچىپ مېڭىنى سەگەكلەشتۈرسىڭىز ئۈنۈمى دەرھال كۆرۈلىدۇ. ئۇنىڭدىن باشقا يەنە ئادەمنى روھلاندۇرىدىغان، قەھۋە ۋە يېشىل چاي تۈرىدىكى ئىچىملىكلەرگە ئوخشاش مېڭىنى سەگىتىدىغان ئىچىملىكلەرنى تەييارلاشقىمۇ بولىدۇ، ئەمما ھەربىر ئادەمنىڭ بەدەن ساپاسى ئوخشاش بولمىغاچقا، ئۆزىگە ئەڭ ماس كېلىدىغان ئىچىملىكلەرنى تاللىسىلا بولىدۇ.

4. سېغىز چايناش كېرەك.

سېغىز چايناش بەدەننى ئالدىراش قىلىدۇ، بولۇپمۇ ئېغىزنى. نۇرغۇن ئاپتوموبىل شوپۇرلىرى سېغىز چايناش ئارقىلىق ئاپتوموبىل ھەيدىگەندە مۈگدەپ قېلىشنىڭ ئالدىنى ئالىدۇ. لېكىن دىققەت قىلىشقا تېگىشلىكى شۇكى، بۇ سېغىز چوقۇم قەنتسىز بولۇشى كېرەك، چۈنكى قەنت تەركىبىنى قوبۇل قىلغاندىن كېيىن، قان شېكىرى ئۆرلەپ كەتسە، ئادەمنىڭ ئۇيقۇسى كېلىپ، مۈگدەپ قالىدۇ. شۇڭا سىزنىڭ شېكەرسىز سېغىزنى تاللىشىڭىزنى تەۋسىيە قىلىمىز.

5. ئاپتوموبىلنىڭ ئىچكى تېمپېراتۇرىسىنى تۆۋەنلىتىلىپ، سىرتقى ئايلىنىش شەكلىنى ئىشلىتىش كېرەك.

ئەگەر ئۇزاق مۇددەت ئاپتوموبىل ھاۋا ئالماشتۇرۇش سېستىمىسىنىڭ ئىچكى ئايلىنىش شەكلىنى قوزغاتقاندا، ئاپتوموبىل ئىچىدە ئوكسىگېن يېتىشمەسلىك كېلىپ چىقىدۇ، شۇنىڭ بىلەن چوڭ مېڭىدىمۇ ئاسانلا ئوكسىگېن يېتىشمەسلىكنى كەلتۈرۈپ چىقىرىدۇ، ئارقىدىنلا ئادەم مۈگدەپ قالىدۇ. بۇ چاغدا سىرتقى ئايلانمىغا ئالماشتۇرۇپ، ئاپتوموبىل ئىچىنىڭ تېمپېراتۇرىسىنى تۆۋەنلىتىشنى تەۋسىيە قىلىمىز.

6. مايلىق مەلھەمنى سۈركەش ياكى سالقىندىتىش مېيى ئىشلىتىش كېرەك.

ماي جەۋھىرى ۋە سالقىن ماينىڭ روھلاندۇرۇش رولى بار، بىز مۈگدەپ قالغاندا چېكىمىز، بۇرنىمىزنىڭ ئۇچى قاتارلىق ئورۇنلارغا سۈركەش ئارقىلىق، بىردەمدىلا روھىمىزنى ئۇرغۇتۇپ، مېڭىمىزنى سەگەكلەشتۈرەلەيمىز. بىراق، ۋاقىت ئۈنۈمى بەك قىسقا بولغاچقا، بۇ خىل ئۇسۇلنىڭ پايدىسى ئانچە ئۇزاق داۋاملاشمايدۇ.

7. دېرىزىنى مۇۋاپىق ئېچىپ ھاۋا ئالماشتۇرۇش كېرەك.

ئاپتوموبىل دېرىزىسىنى مۇۋاپىق ئېچىپ، ئاپتوموبىل ئىچىنىڭ ھاۋاسىنى ئالماشتۇرۇش ئارقىلىق، سىرتتىكى ساپ ھاۋادىن ھۇزۇرلىنىش ۋە بۇ ئارقىلىق روھنى ئۇرغۇتۇپ، مۈگدەپ قېلىشنىڭ ئالدىنى ئالسا بولىدۇ.

8. رىتىمى كۈچلۈك ناخشىلارنى ئاڭلاش، بىللە غىڭشىپ ئېيتىش كېرەك.

ئەگەر ياردەمچى شوپۇرنىڭ دوستلىرى بولسا، كەسىپداش دوستلار بىلەن پاراڭلىشىپ سەگەكلىكنى ساقلىسا بولىدۇ. ئەلۋەتتە، ئەگەر سىرتقا چىققاندا ھەمراھىڭىز بولمىسا، مېلودىيەسى راۋان، رىتىمى كۈچلۈك، كىشىنى روھلاندۇرىدىغان مۇزىكا ۋە ناخشىلارنى تاللاڭ، ئاۋاز كۈچلۈك بولسا، ئۆزىڭىزمۇ ئەگىشىپ غىڭشىپ ئېيتىپ، ئۆزىڭىزنى بىر ھەسسە روھلاندۇرۇڭ.

9. ئاپتوموبىل ئىچىدە دائىم ھۆل قەغەز تەييارلاپ يۈزىنى سۈرتۈش كېرەك.

ئاپتوموبىلدا دائىم بىر بولاق ھۆل لۆڭگە ساقلاپ قويۇپ، مۈگدەپ قالغاندا، ھېرىپ كەتكەندە ئۇنىڭ بىلەن يۈزىڭىزنى سۈرتسىڭىز، روھىڭىزنى كۆتۈرۈش ئۈنۈمى ناھايىتى ياخشى بولىدۇ.

10. ئولتۇرۇش قىياپىتىنى تەڭشەش كېرەك.

ئەمەلىيەتتە ئاپتوموبىل ھەيدىگەندە ئاسانلا مۈگدەپ قېلىش ئۇزاق ۋاقىت بىر خىل ئولتۇرۇش ھالەتنى ساقلاش بىلەن مۇناسىۋەتلىك. بۇنداق بولغاندا، ئادەمنىڭ ئولتۇرغۇچ سۆڭەك نېرۋىسى بېسىمغا ئۇچراپ، ۋاقىت ئۇزارغانسېرى نېرۋا سىزىقى ۋاقىتلىق شوك بولۇپ قالىدۇ، ئاندىن بىر خىل ئۇيۇشۇش سېزىمى پەيدا بولىدۇ، شۇنىڭ بىلەن بىرگە قان ئايلىنىشىمۇ بەلگىلىك دەرىجىدە تەسىرگە ئۇچرايدۇ. قان ئايلىنىش سۈرئىتى ئاستىلاپ، مېڭىگە ئوكسىگېن يېتىشمەسلىكنى كەلتۈرۈپ چىقىرىدۇ. چۈنكى مېڭىگە ئوكسىگېن يېتىشمىگەندە، ئادەمنىڭ ئاسانلا ئۇيقۇسى كېلىدۇ. بۇ ۋاقىتتا سىز بىخەتەرلىككە كاپالەتلىك قىلغان ئاساستا، ئورۇندۇقنى ئازراق تەڭشىسىڭىز بولىدۇ.

11. بىخەتەر رايوندا ئاپتوموبىل توختىتىش، مۇۋاپىق ئارام ئېلىش كېرەك.

ئاپتوموبىل ھەيدىگەندە، ئەگەر ھەقىقەتەن ئۇيقۇسى كېلىپ، مۈگدەپ قالسا، شوپۇرلارنىڭ تەپەككۇر ئىنكاسى ئاستىلايدۇ، ئەگەر ئورۇن ۋە ۋاقىت يار بەرسە، ئەڭ ياخشىسى توختاپ ئارام ئېلىش كېرەك. ئۇخلىيالىسىڭىز بىردەم ئۇخلىۋېلىڭ، چۈنكى بۇ قىسقىغىنا بىر ئۇيقۇ بەلكىم سىز ياكى باشقىلارنىڭ ھاياتىغا مۇناسىۋەتلىك بولۇشى مۇمكىن. بىخەتەرلىكنى بىرىنچى ئورۇنغا قويۇش كېرەك.