7- ئاينىڭ 13- كۈنى چۈشتىن كېيىن، باش شۇجى شى جىنپىڭ شىنجاڭ ئىشلەپچىقىرىش- قۇرۇلۇش بىڭتۇەنى 8- شى شىخەنزە شەھىرىگە كېلىپ، شىنجاڭ بىڭتۇەن ھەربىيلەر بوز يەر ئۆزلەشتۈرۈش مۇزېيىنى ئېكسكۇرسىيە قىلدى، 143- تۇەندە تەكشۈرۈشتە بولدى. شى جىنپىڭ بىڭتۇەندىكى كادىرلار، ئىشچى- خىزمەتچىلەرگە مۇنداق دېدى: بىڭتۇەننىڭ ئىسلاھات، تەرەققىياتىنىڭ بۇنچە ياخشى بولغانلىقىنى كۆرۈپ، ناھايىتى خۇشال بولدۇم، بىڭتۇەندىكى كەڭ كادىرلار، ئىشچى- خىزمەتچىلەرمۇ بۇنداق نەتىجىلەرنى قولغا كەلتۈرگەنلىكىدىن پەخىرلىنىشكە ھەقلىق. بىڭتۇەننىڭ ئىستراتېگىيەلىك ئورنىنى ھېچنىمە ئالالمايدۇ. كۆپچىلىكنىڭ بىڭتۇەن روھىنى جارى قىلدۇرۇپ، داۋاملىق تىرىشىپ، ئىسلاھاتنى چوڭقۇرلاشتۇرۇپ، قەدەمنى پۇختا بېسىپ، غەيرەت ئۈستىگە غەيرەت قوشۇپ، بىڭتۇەننى تېخىمۇ قۇدرەتلىك، تېخىمۇ گۈللەنگەن قىلىپ قۇرۇپ چىقىشىنى ئۈمىد قىلىمەن.