ھازىرقى جەمئىيەت چولپانلار دەۋرىگە ئايلاندى، چولپانلارنىڭ نۇرغۇنلىغان مەستانىلىرى بار، مەستانىلەرنىڭ چولپانلارنى قوغلىشىش دائىرىسى تاماشا چەمبىرىكىدىكى كىنو چولپانلىرى، ناخشا چولپانلىرى، كۈلدۈرگە چولپانلىرى ۋە تەنتەربىيە چولپانلىرىغىچە چېتىلىدۇ. ھازىرقى دەۋر چولپانلارنىڭ دۇنياسى، بۇ شۇنى چۈشەندۈرۈپ بېرىدۇكى، ئەڭ چوڭ ئېھتىياج بولغىنى تاماشا ساھەسى ۋە تەنتەربىيە بولۇپ، زور ئېھتىياج بولغانىكەن كەمچىلىكمۇ بولىدۇ، شۇڭا چولپانلار تېزلا كۆككە كۆتۈرۈلۈپ خەلق ئارىسىدا نام قازىنىدۇ، ئۇنداقتا چولپانلارنىڭ قىممىتى زادى قانچىلىك؟

چولپانلارنىڭ ئىپتىدائىي جەمئىيەتتىكى ئىقتىدارى كىشىلەرنى تاماقتىن كېيىن كۆڭۈل ئېچىش بىلەن تەمىنلەش ئىدى. چولپانلار داڭلىق ئارتىس، ناخشىچى، سەنئەتكار، تەنھەرىكەتچى قاتارلىقلاردىن ئىبارەت. قەدىمكى زاماندا ئۇلار تىياتىرچى ۋە سەنئەتكار دەپ ئاتالغان. ئۇلار ئويۇن قويۇش ماھارىتى ئارقىلىق ئاممىنىڭ كۆڭلىنى ئېچىپ، كىشىلەرنىڭ مەنىۋىي دۇنياسىنى بېيىتاتتى، كىنو، تېلېۋىزىيە تىياتىرى بارلىققا كەلگەندىن كېيىن، كۆڭۈل ئېچىش ئۇسۇلى تېخىمۇ بېيىدى، تېخىمۇ كۆپ چولپانلار بارلىققا كەلدى، شۇنداقلا چولپان قوغلىشىدىغان، تاماشا تاراتقۇلىرى، تاماشا مۇخبىرلىرى قاتارلىق بىر كەسىپ زەنجىرىمۇ بارلىققا كەلدى.

چولپانلار نېمىشقا بۇنچە پۇلغا يارايدۇ؟ بۇ جەمئىيەتنىڭ زور مىقداردىكى ئېھتىياجى ۋە چولپانلار بايلىقىنىڭ كەمچىل بولۇشىدىن پەيدا بولغان. گەرچە توردىكى نۇرغۇن كىشىلەرنىڭ يۇقىرى فىلىم ھەققىگە بولغان پىكرى ناھايىتى چوڭ بولسىمۇ، لېكىن بۇنىڭ ھېچقانچە رولى يوق. ئىشلەپچىقىرىش كۈچلىرىنىڭ يۇقىرى كۆتۈرۈلۈشىگە ئەگىشىپ، كىشىلەرنىڭ ماددىي تۇرمۇشى زور دەرىجىدە قاندۇرۇلۇپ، تېخىمۇ كۆپ ۋاقىت ۋە پۇل بىلەن ئارام ئېلىش، كۆڭۈل ئېچىش، تەنتەربىيەگە بولغان ئېھتىياجى زور دەرىجىدە ئاشتى. ھازىر چىراي كۆرۈش دەۋرىگە قەدەم قويدۇق، چولپانلار ئالدى بىلەن گۈزەل، چىرايلىق، يەنە سالاپىتى ۋە رول ئېلىش ماھارىتى بار بولۇشى كېرەك، بۇنداق بايلىق يەنىلا كەم ئۇچرايدۇ، كېلىشكەن يىگىت ۋە گۈزەل ساھىبجاماللارنى كۆپلەپ يېتىشتۈرگەندىلا، ئاندىن چولپانلارنىڭ قىممىتىنى يۇقىرى كۆتۈرگىلى بولىدۇ.

چولپانلارنى يۇقىرى كىرىم بىلەن تەمىنلەش ئېھتىياج تەرىپىدىن بەلگىلىنىدۇ، قىسقا ۋاقىت ئىچىدە بۇ مەسىلىنى ھەل قىلغىلى بولمايدۇ. لېكىن كىنو بېلەت باھاسىنى ئۆستۈرۈپ، كۆڭۈل ئېچىش كەسپىنىڭ جانلىنىشىنى ئىلگىرى سۈرگىلى بولىدۇ، يەنە ئالاقىدار تېخنىكا ساھەسىنىڭ زورىيىشىنى ئىلگىرى سۈرىدۇ، شۇنىڭ بىلەن بىر ۋاقىتتا، تاماشا تاراتقۇلىرىنىڭ گۈللىنىشىگە تۈرتكە بولۇپ، كۆڭۈل ئېچىش خاتىرىسى ۋە ئىز قوغلىغۇچىلارنىڭ ھالىدىن خەۋەر ئالغىلى بولىدۇ. تاماشا ساھەسى ۋە تەنتەربىيەنىڭ تەرەققىياتى گەرچە ئەمەلىي ھاسىلات بولمىسىمۇ، ئەمما ئاممىنىڭ مەنىۋى ئوزۇقىنى قاندۇرۇپ، دۆلەتنى نۇرغۇن مالىيە كىرىمى بىلەن تەمىنلىگىلى بولىدۇ.

چولپانلار جەمئىيەتنىڭ ئۈلگىسى، ئاممىنىڭ مەبۇدىسى، بارلىق سۆز-ھەرىكىتى ئاممىنىڭ ئۆگىنىش ئۈلگىسى بولۇپ، جەمئىيەتنىڭ قىسمەن يۆنىلىشىگە ۋەكىللىك قىلىدۇ، شۇنداقلا ئەڭ ياخشى تەشۋىقات قورالى ھېسابلىنىدۇ. چولپانلارنىڭ كۆپىنچىسى ياخشى، ئاكتىپ كۈچكە ئىگە، ئېسىل ئەخلاق-پەزىلەتنى تەشۋىق قىلىپ ۋە ئۇنىڭغا تۈرتكە بولۇپ، ئاجىزلارنى يۆلەپ، نامراتلارغا ياردەم بېرىپ، جەمئىيەت تەرەققىياتىنى ئىلگىرى سۈرىدۇ. ئەمما بىر قىسىم چولپانلارنىڭ ئەخلاقى بۇزۇلۇپ، زەھەر چېكىپ، ئۇرۇشۇپ، جېدەل چىقىرىپ، قىمار ئويناپ، پاھىشىۋازلىق قىلىپ، چولپانلارنى قوغلىشىدىغان نۇرغۇن مەستانىلەرنى يامان يولغا باشلاپ، چولپانلار سىنىپىنىڭ ساغلام تەرەققىي قىلىشىغا زور توسالغۇ بولدى.