بېيجىڭ ۋاقتى 12-ئاينىڭ 16-كۈنى، جۇڭگو پۇتبول ساھەسىدىن شېرىن خۇش خەۋەر تارالدى − شاڭخەي خەيگاڭدىن چاڭچۇن ياتەيگە سىرتقا ئىجارىگە بېرىلگەن ياش توپچى ئەفىردىن ئەسقەر قىز دوستىغا مۇۋەپپەقىيەتلىك ھالدا توي تەكلىپى قويدى، قىز تەرەپ ئىجتىمائىي ئالاقە تاراتقۇلىرىدا بۇ رومانتىك پەيتنى ھەمبەھرىلىدى، تورداشلار بەس-بەستە بەخت تىلىدى.

ئەفىردىننىڭ قىز دوستى ئىجتىمائىي ئالاقە سۇپىسىدا ئىللىقلىققا تولغان توي تەكلىپى سىنىنى چىقاردى، كۆرۈنۈشتە چاقناپ تۇرغان چوڭ ئالماس ئۈزۈك كىشىنىڭ دىققىتىنى ئالاھىدە تارتتى، ئۇ خۇشاللىقىنى باسالماي ئۇنىڭغا:«Isaid yesss!»دەپ يېزىپ قويدى، بۇ ئاددىي سۆزلەر بەخت ۋە تەسىرلىنىشكە تولغان بولۇپ، نۇرغۇن تورداش «تاتلىقلىق دەرىجىسى ئۆلچەمدىن ئېشىپ كېتىپتۇ»دېيىشتى. مۇسابىقە مەيدانىدىكى ھاياتىي كۈچى ئۇرغۇپ تۇرغان كىچىك ماھىر بولۇش سۈپىتى بىلەن،   ئەفىردىننىڭ بۇ قېتىمقى رومانتىك ھەرىكىتى توپ مەستانىلىرىگە ئۇنىڭ مۇسابىقە مەيدانى سىرتىدىكى مۇلايىم، چوڭقۇر مۇھەببەتكە تولغان تەرىپىنى نامايان قىلدى.

2025-يىللىق مۇسابىقە پەسلى يازلىق يۆتكىلىش كۆزنىكىدە، ئەفىردىن ئىجارىگە بېرىش شەكلىدە چاڭچۇن ياتەيگە قوشۇلۇپ، كەسپىي ھاياتىنىڭ يېڭى مۇساپىسىنى باشلىدى. مۇسابىقە پەسلىنىڭ كېيىنكى يېرىمىدىكى مۇساپىدە، 21 ياشلىق U 22 دۆلەت پۇتبول كوماندىسىنىڭ بۇ ئەزاسى تەدرىجىي ھالدا كوماندىدا پۇت تىرەپ تۇرۇپ، چاڭچۇن ياتەيگە ۋاكالىتەن جەمئىي 11 قېتىم مەيدانغا چىقتى، بۇنىڭ ئىچىدە تۆت قېتىم تۇنجى بولۇپ مەيدانغا چىقتى، ئومۇمىي مەيدانغا چىقىش ۋاقتى 431 مىنۇتقا يەتتى ھەمدە مۇۋەپپەقىيەتلىك ھالدا بىر توپ كىرگۈزدى، بۇمۇ ئۇنىڭ كەسپىي ھاياتىدىكى جۇڭگو دەرىجىدىن تاشقىرى بىرلەشمىسىدىكى تۇنجى توپى. تىلغا ئېلىشقا ئەرزىيدىغىنى شۇكى، بۇ توپ جۇڭگو دەرىجىدىن تاشقىرى بىرلەشمىسىنىڭ 26-ئايلانمىسىدىكى چاڭچۇن ياتەي ئۆز مەيدانىدا 2-2 نەتىجە بىلەن چىڭداۋ خەينيۇ بىلەن تەڭلەشكەن مۇسابىقىدىن كەلگەن.ئەففېردىن يارىلىنىشنى توختىتىش ۋاقتىدا كۆكرەك كېرىپ ئوتتۇرىغا چىقىپ مۇتلەق تەڭلىشىشنى تاماملاپ، ياش توپچىلارنىڭ چوڭ يۈرەك ئالاھىدىلىكىنى نامايان قىلدى.

گۇاڭجوۋ كوماندىسىدىن ۋۇخەندىكى سەنجېنغىچە، يەنە شاڭخەي خەيگاڭ ۋە چاڭچۇن ياتەيگىچە، ئەفىردىننىڭ كەسپىي ھاياتى پۇختا قەدەم بىلەن ئىلگىرىلىدى، بۇ قېتىمقى ئىجارە مەزگىلىدىكى ئىپادىسى مۇقىم بولۇش بىلەن بىللە يەنە مۇھەببەتكە ئېرىشتى، بۇنى «كەسىپ ۋە مۇھەببەتتە قوش مول ھوسۇل ئېلىش»دېيىشكە بولىدۇ. نۆۋەتتە، ئەفىردىننىڭ ئىجارە ۋاقتى توشقان بولۇپ، ، يېڭى مۇسابىقە پەسلىدە شاڭخەي خەيگاڭدا توپ ئوينىشى مۇمكىن، توپ مەستانىلىرى ئۇنىڭ مۇسابىقە مەيدانىدا ياخشى ھالىتىنى داۋاملاشتۇرۇپ، تېخىمۇ كۆپ توپ كىرگۈزۈشىنى ئۈمىد قىلىدۇ، شۇنداقلا ئۇنىڭ رومانتىك ماكانىغا سەمىمىي بەخت تىلەيدۇ، بۇ ياش كىچىك ماھىرنىڭ چىملىق مەيدان ۋە تۇرمۇشتا كۆڭۈلدىكىدەك نەتىجىگە ئېرىشىشىنى ئۈمىد قىلىدۇ.