مۇشۇ ھەپتە ئوينالغان ياۋروپا دۆلەتلەر بىرلەشمىسىدە، كرىستىيانو رونالدو ئىككى توپ كىرگۈزۈپ، دۆلەت كوماندىسىدىكى 100 توپلۇق ئۆتكىلىدىن ئۆتتى، شۇنداقلا دۆلەت كوماندىسىدىكى 100-توپىنى كىرگۈزگەن ۋاقىتتا ئىنتايىن قالتىس ئىختىيارى توپ كىرگۈزدى. رونالدو ئالاقە تورىدا بۇ توپتىن پەخىرلەندى.

پورتۇگالىيە كوماندىسى بىلەن شۋېتسىيە كوماندىسى ئوتتۇرىسىدىكى مۇسابىقىدە، رونالدو ئىككى توپ كىرگۈزۈپ دۆلەت كوماندىسىدا كىرگۈزگەن توپ سانىنى 101 توپقا يەتكۈزدى. ئۇ دۆلەت كوماندىسىدىكى 100-توپىنى بىۋاستە ئىختىيارى توپ ئارقىلىق كىرگۈزدى.

رونالدو ئالاقە تورىغا بۇ توپنىڭ سۈرىتىنى يوللاپ، سۈرەتنىڭ يېنىغا «دۆلەت كوماندىسىدىكى 100-توپۇمنى كىرگۈزۈش ئۇسۇلى ناھايىتى چىرايلىق بولدى!» دەپ يازغان.