ئىسپانىيە «ماركا گېزىتى»نىڭ خەۋەر قىلىشىچە، پورتۇگالىيەلىك چولپان رونالدو شۇ جاي ۋاقتى مۇشۇ سەيشەنبە كۈنى مانچېستېر بىرلەشمىسىگە قايتىپ كوماندا ئىچىدە مەشىققە قاتنىشىدىكەن، شۇنىڭ بىلەن بىر ۋاقىتتا ئۇ ئۆزىنىڭ كەلگۈسى مەسىلىسىنى ھەل قىلىشنى ساقلاۋېتىپتۇ.

ئاۋسترالىيە سەپىرى ۋە تايلاند سەپىرىنى ئاخىرلاشتۇرغاندىن كېيىن، مانچېستېر بىرلەشمىسى پەسىلدىن بۇرۇنقى تەييارلىق خىزمىتىنى داۋاملاشتۇرىدۇ، بۇنىڭدىن بۇرۇن مۇسابىقىگە قاتنىشالمىغان كرىستىيانو رونالدو دۈشەنبە كۈنى ئايروپىلانغا ئولتۇرۇپ مانچېستېر شەھىرىگە قايتىشنى قارار قىلغان بولۇپ، سەيشەنبە كۈنى مانچېستېر بىرلەشمىسىنىڭ ئوپچە مەشىقىگە قاتنىشىدۇ.

تېنخاگ رونالدو بىلەن كۆرۈشمەكچى، ئۇ رونالدونى قېلىشقا قايىل قىلىشنى ئۈمىد قىلىدۇ، لېكىن توپچىنىڭ ئىرادىسى ئۆزگەرمىدى، ئۇ ياۋروپا چېمپىيونلۇق بىرلەشمىسىدە توپ تېپەلەيدىغان كوماندىغا بېرىشنى ئۈمىد قىلىدۇ. ئىگىلىنىشىچە، كىرىستىيانو رونالدو مادرىد ئاتلېتكىغا بېرىشى مۇمكىن بولۇپ، لېكىن بۇ توپچى ھازىرغىچە قارار چىقارمىغان، كىرىستىيانو رونالدومۇ مانچېستېر بىرلەشمىسى ئىچىدە جېدەل چىقىرىشنى خالىمىغان، شۇڭا مەشىق مەيدانىغا قايتىشنى قارار قىلغان.