بۈگۈن «مانچېستېر كەچلىك گېزىتى» ماقالە يېزىپ، يېقىندا كىرىستىيانو رونالدونىڭ كوماندىدىن ئايرىلىشى توغرىسىدىكى مىش-مىش پاراڭلارنى يازدى ھەمدە ئەگەر مانچېستېر بىرلەشمىسى كىرىستىيانو رونالدونى سىرتقا ئىجارىگە بەرسە، بۇنىڭ ناھايىتى بىمەنە ئىش بولىدىغانلىقىنى بىلدۈردى.

«Mannight» مۇنداق دەپ يازدى: «ئۆتكەن يىلى 8-ئايدا كىرىستىيانو رونالدو مانچېستېر بىرلەشمىسىگە قايتىپ كەلدى، بۇ بىر چۆچەكلەردىكىدەك قايتىش بولدى. گەرچە كىرىستىيانو رونالدو قايتىپ كەلگەندىن كېيىن مانچېستېر بىرلەشمىسىنىڭ ئىپادىسى تېخىمۇ ناچار ھالەتكە چۈشۈپ قالغان بولسىمۇ، لېكىن كىرىستىيانو رونالدو مەيدانغا چۈشمىگەن بولسا ئىپادىسى تېخىمۇ ناچار بولۇشى مۇمكىن ئىدى. كىرىستىيانو رونالدو ۋىللارېئال ۋە ئاتلانتا بىلەن ئوينىغان ياۋروپا چېمپىيونلۇق بىرلەشمىسى مۇسابىقىسىدە ئىنتايىن قالتىس توپتىن بىرنى كىرگۈزگەن بولۇپ، ئۆز كۈچىگە تايىنىپ مانچېستېر بىرلەشمىسىنى ياۋروپا چېمپىيونلۇق بىرلەشمىسىنىڭ شاللاش باسقۇچىدىكى ئورنىنى ساقلاپ قالغان، گەرچە مانچېستېر بىرلەشمىسى ئۆتكەن نەچچە ئون يىلدىن بۇيانقى ئەڭ ناچار مۇسابىقە پەسلىنى باشتىن كەچۈرگەن بولسىمۇ، لېكىن كىرىستىيانو رونالدو تۈرلۈك مۇسابىقىلەردە 24 توپ كىرگۈزگەن بولۇپ، ئۇ ۋە دېھىيا بۇ ۋەيرانە، ئارقا تېرىكى يوق كىيىم ئالماشتۇرۇش ئۆيىدە ئىپادىسى ئالاھىدە كۆزگە كۆرۈنگەن ئىككى توپچى ھېسابلىنىدۇ. ھازىر كىرىستىيانو رونالدو مانچېستېر بىرلەشمىسىدىن ئايرىلىشنى ئۈمىد قىلىدۇ، ئىگىلىنىشىچە، كىرىستىيانو رونالدو مانچېستېر بىرلەشمىسىنىڭ يۆتكىلىش بازىرىدىكى ئاستا ھەرىكىتىدىن، شۇنداقلا كوماندىنىڭ كېلەر پەسىللىك ياۋروپا چېمپىيونلۇق بىرلەشمىسىگە قاتنىشىش سالاھىتىگە ئېرىشەلمىگەنلىكىدىن نارازى بولغان، چۈنكى بۇ ئۇنىڭ مائاشىنىڭ %25 تۆۋەنلىشىنى كەلتۈرۈپ چىقىرىدىكەن، كىرىستىيانو رونالدونىڭ كوماندىدىن ئايرىلماقچى بولغانلىقىغا قارىتا، كىشىلەر ئوخشىمىغان ئىنكاستا بولغان، لېكىن كۆپ ساندىكى مەستانىلەر بۇنى چۈشىنىدىغانلىقىنى بىلدۈرگەن. گەرچە كىرىستىيانو رونالدو كەسپىي ھاياتىنىڭ ئاخىرقى باسقۇچىدا تۇرۇۋاتقان بولسىمۇ، لېكىن ئۇ پۇتبول تارىخىدىكى ئەڭ قالتىس ھۇجۇمچى، سىز ئېرىشمەكچى بولغان ئەڭ قالتىس مەرگەن. مانچېستېر بىرلەشمىسىگە قايتىپ كەلگەن تۇنجى پەسىلدە ئۇ ئىزچىل كوماندىنىڭ «قۇتقازغۇچىسى» بولۇپ كەلدى، تېنخاگ كوماندىنى قايتا قۇرۇشنىڭ دەسلىپىدە كىرىستىيانو رونالدونى كوماندىدا قالدۇرۇپ قېلىشى كېرەك ئىدى. لېكىن، كىرىستىيانو رونالدو كوماندىدىن ئايرىلسىمۇ، ئۇنداقتا ئۇنىڭ مانچېستېر بىرلەشمىسىدىكى رىۋايەتلىك ھاياتىغا داغ تەگمەيدۇ.

«ئەيىبلەشكە تېگىشلىكى توپچى ئەمەس، بەلكى كۇلۇب. مانچېستېر بىرلەشمىسى كىرىستىيانو رونالدونىڭ كوماندىدىن ئايرىلىشىغا مەسئۇل بولۇشى كېرەك، چۈنكى ئۇ كىرىستىيانو رونالدونىڭ شان-شەرەپكە ئېرىشىشىگە ياردەم قىلالمىدى، ھەممەيلەن كىرىستىيانو رونالدونىڭ ئالدىنقى مۇسابىقە پەسلىدە پۈتۈن كۈچىنى چىقارغانلىقىنى بىلىدۇ، ئۇ يەنە مانچېستېر بىرلەشمىسى مەستانىلىرى بىلەن قايتا يارىشىپ قالغاندىن كېيىن كوماندىدىن ئايرىلىدۇ، بۇنداق بولغاندا كىرىستىيا رونالدونىڭ كۇلۇبتىكى رىۋايەتلىك كەسپىي ھاياتى ھېچقانداق زىيانغا ئۇچرىماسلىق كاپالىتىگە ئىگە بولىدۇ، لېكىن ھازىر مانچېستېر بىرلەشمىسىنىڭ كىرىسيانو رونالدونىڭ كەسپىي ھاياتىنى دوغا تىككەنلىك خەۋىرى تارقالدى.

«بۇ ھەپتە ئاخىرىدا كىرىستىيانو رونالدونىڭ باشقا كوماندىلارغا ئىجارىگە بېرىلىدىغانلىق خەۋىرى تارقالدى، بۇ ناھايىتى بىمەنە بىر ئىش. ناچار يۆتكىلىش تارىخىغا ئىگە كۇلۇبقا نىسبەتەن ئېيتقاندىمۇ، بۇ يەنىلا پۈتۈنلەي بىمەنە قارار. كوماندا ياۋروپا چېمپىيونلۇق بىرلەشمىسىگە قاتنىشىش سالاھىيىتىدىن مەھرۇم قالغان مۇشۇنداق ئەھۋال ئاستىدا، كوماندا كىرىستىانو رونالدونى بىر پەسىل سىرتقا ئىجارىگە بېرىدۇ، ئەگەر تېنخاگ كوماندىنى يېتەكلەپ كېلەر پەسىللىك ياۋروپا چېمپىيونلۇق بىرلەشمىسىگە قاتنىشىش سالاھىيىتىگە ئېرىشسە، مەستانىلەرنىڭ بۇنىڭدىن خۇشال بولىدىغانلىقىنى تەسەۋۋۇر قىلىشىڭىز تەس. بۇ ئەھۋال يەنە كىرىستىيانو ونالدونىڭ توپ مەستانىلىرى بىلەن بولغان ياخشى مۇناسىۋىتىنى بۇزىدۇ.»

ئۇنىڭدىن باشقا، مۇخبىر تېخى كوماندىنىڭ كىيىم ئالماشتۇرۇش ئۆيىدىكى ئەھۋالنى تىلغا ئالمىدى، بۇ ھالقىلىق پەيتتە، كىرىستىيانو رونالدونى ئىجارىگە بېرىش كوماندىنىڭ جەڭگىۋارلىقىغا پايدىسىز. بۇ يىل يازدا كىرىستىيانو ونالدو كوماندا ئىچىدە ئالاھىدە مۇئامىلىگە ئېرىشتى، لېكىن ھېچقايسى توپچى كۇلۇبتىن ئۈستۈن تۇرالمايدۇ. ئەگەر كىرىستىيانو رونالدو بۇ مۇسابىقە پەسلىدە كوماندىدىن ئايرىلسا، ئۇنداقتا ئۇ چوقۇم مەڭگۈلۈك يۆتكىلىشى كېرەك، بولمىسا ئۇنىڭ مانچېستېر بىرلەشمىسىدىكى رىۋايەتلىك ھاياتىغا داغ چۈشۈش خەۋپى تۇغۇلىدۇ.