سانجى ئوبلاستلىق پاراۋانلىق لاتارىيەسى مەركىزى: يۈز يىللىق پارتىيە تارىخىنى ئۆگىنىپ، ئامما ئۈچۈن ئەمەلىي ئىش قىلىپ بېرەيلى

ئەل دېمەك خەلق دېمەكتۇر، خەلق دېمەك ئەل دېمەكتۇر. سانجى ئوبلاستلىق پاراۋانلىق لاتارىيەسى مەركىزى پارتىيە قۇرۇلغانلىقىنىڭ 100 يىللىقىنى كۈتۈۋېلىۋاتقان پەيتتە، پارتىيە تارىخىنى ئۆگىنىشنى خىزمەتلەرنى ئىلگىرى سۈرۈش، خەلق ئۈچۈن ئەمەلىي ئىش قىلىپ بېرىش بىلەن بىرلەشتۈرۈشتە يەنىمۇ چىڭ تۇرۇپ، بارلىق پارتىيە ئەزالىرى، كادىرلارنىڭ مۇلازىمەت ئېڭىنى ئۆستۈرۈپ، «پارتىيە بايرىقى تەڭرىتاغدا جەۋلان قىلماقتا» باش تېمىسىدىكى پارتىيە كۈنى يۈرۈشلۈك پائالىيىتىنى قانات يايدۇردى.

6 ـ ئاينىڭ 10 ـ كۈنى، سانجى ئوبلاستلىق خەلق ئىشلىرى ئىدارىسى پارتگۇرۇپپىسىنىڭ شۇجىسى لى مىڭ ئوبلاستلىق مەدەنىيەت سارىيىنىڭ پىدائىيلار مۇلازىمەت پائالىيىتىدە «مىكرو ئارزۇ»نى تونۇپ يەتتى. 6 ـ ئاينىڭ 17 ـ كۈنى، شۇجى لى مىڭنىڭ يېتەكچىلىكىدە، سانجى پاراۋانلىق لاتارىيە مەركىزىدىكى بارلىق پارتىيە ئەزالىرى، كادىرلار «مىكرو ئارزۇ» كۆڭلىگە پۈكۈپ، بوستانلىق يولى كوچا باشقارمىسىغا كېلىپ، كوچىدىكى قىيىنچىلىقى بار ئاممىغا 30 خالتا ئۇن، 30 خالتا گۈرۈچ ۋە 30 تۇڭ ماي يەتكۈزۈپ بېرىپ، قىيىنچىلىقى بار ئاممىنىڭ تۇرمۇش ئېھتىياجىنى ھەقىقىي ھەل قىلىپ، قىيىنچىلىقى بار ئاممىنىڭ ئاساسىي تۇرمۇش تۆۋەن چېكىنى كۆتۈرۈپ، ئۇلارغا پارتىيە ۋە ھۆكۈمەتنىڭ سەمىمىي غەمخورلۇقىنى ھېس قىلدۇردى.

ئىئانە قىلىنغان ماددىي ئەشيالارنى تاپشۇرۇۋالغان بوستانلىق يولى كوچا باشقارمىسىنىڭ شۇجىسى ئىئانە قىلىش مۇراسىمىدا ھاياجانلانغان ھالدا مۇنداق دېدى:«پارتىيە ۋە ھۆكۈمەتنىڭ ئىئانە پۇلىنى تاپشۇرۇپ ئېلىپ ئىنتايىن تەسىرلەندىم، بىز چوقۇم پۇل ۋە ماددىي بۇيۇم مەبلىغىنى قىيىنچىلىقى بار ئاممىنىڭ قولىغا ۋاقتىدا تارقىتىپ بېرىپ، ئۇلارغا ئىللىقلىق ۋە غەمخورلۇق يەتكۈزىمىز».

لى مىڭ شۇجى مۇنداق دېدى: «ھەرىكەت سۆزدىن ئەلا. پارتىيە تارىخىنى ئۆگىنىش بىلىشتىلا ئەمەس، تېخىمۇ مۇھىمى ھەرىكەتتە. پارتىيە تارىخىنى ئۆگىنىش تەربىيەسىنى قانات يايدۇرۇشتا ئامما ئۈچۈن ئەمەلىي ئىش قىلىپ بېرىپ، ئاممىنىڭ "جىددىي، قىيىن، غەم ـ ئەندىشە، ئارزۇ ـ ئۈمىد" مەسىلىسىنى ھەقىقىي ياخشى ھەل قىلىپ، پارتىيە تارىخى ئۆگىنىش ـ تەربىيەسىنى دەل جايىدا ئەمەلىيلەشتۈرۈش كېرەك. »-دېدى.