مۇخبىر: سىز توپ كىرگۈزگەندىن نېمىشقا يىغلايسىز؟ مېسسى: بۇ پۇتبول بىلەن مۇناسىۋەتسىز

دۇنيا لوڭقىسى پۇتبول مۇسابىقىسى گۇرۇپپا مۇسابىقىسىنىڭ J گۇرۇپپىسى 1-ئايلانما مۇسابىقىسىدە ئارگېنتىنا 3-0 نەتىجە بىلەن ئالجىرىيەنى يېڭىپ تۇنجى غەلىبىنى قولغا كەلتۈردى، مېسسى قالپاق ئويۇنى ئويناپ MVP بولۇپ باھالاندى. مۇسابىقىدىن كېيىن مېسسى زىيارەتنى قوبۇل قىلدى.

مۇخبىر: بىر مەيدان مۇسابىقىدە ئۈچ توپ كىرگۈزۈپ، رېكورتنى بۇزۇپ، دۇنيا لوڭقىسى پۇتبول مۇسابىقىسى تارىخىدىكى يەككە مەيدان مۇسابىقىدە ئۈچ توپ كىرگۈزگەن يېشى ئەڭ چوڭ توپچىغا ئايلاندىڭىز. مەن سىزنىڭ بىرىنچى توپنى كىرگۈزگەندىن كېيىن ھاياجانلىنىپ كەتكىنىڭىزنى كۆرۈپ، نېمە ئۈچۈنلىكىنى بىلگۈم كەلدى. سىز يىغلىدىڭىز، مەن سىزنىڭ توپ كىرگەنلىكىنى تەبرىكلىگەندە يىغلىغىنىڭىزنى ناھايىتى ئاز كۆرىمەن. بۇ قانداق ئىش؟

مېسسى: «ياق، راستىنى ئېيتقاندا، بۇ ئىش پۇتبول بىلەن پۈتۈنلەي مۇناسىۋەتسىز. مەن بىر مەزگىل جاپالىق، مۇرەككەپ كۈنلەرنى باشتىن كەچۈردۈم. لېكىن قانداقلا بولمىسۇن، مەن دۆلەت كوماندىسىغا رەھمەت ئېيتىمەن، بارلىق سەپداشلىرىمغا رەھمەت ئېيتىمەن، چۈنكى ئۇلار مېنى ئىزچىل قوللاپ، قىيىن ئۆتكەلدىن ئۆتۈشۈمگە نۇرغۇن كۈچ بەردى، پەقەت مۇشۇلا.»

دۇنيا لوڭقىسى پۇتبول مۇسابىقىسىنىڭ گۇرۇپپا مۇسابىقىسى J گۇرۇپپىسىنىڭ 1-ئايلانمىسىدا ئارگېنتىنا 3-0 نەتىجىدە ئالجىرىيەنى مەغلۇپ قىلدى، مېسسى قالپاق كەيدى، مېسسى 1-توپنى كىرگۈزگەندىن كېيىن ياش تۆكتى.

سۈرەت گېزىتىنىڭ ئەڭ يېڭى خەۋىرىگە قارىغاندا، ئارگېنتىنا تەرەپتىن سورىغاندىن كېيىن مېسسىنىڭ دادىسى (68 ياش)نىڭ سالامەتلىك ئەھۋالىنىڭ ياخشى ئەمەسلىكىنى بىلگەن. بۇ يىل 1-ئايدىن بۇيان، ئۇ ئىزچىل ئېغىر كېسەل بىلەن كۈرەش قىلغان، ئېيتىشلارغا قارىغاندا ئۇ ئىلگىرى ياۋروپا ۋە ئامېرىكىدا داۋالانغان.

سۈرەت گېزىتىدە كۆرسىتىلىشىچە، دۇنيا لوڭقىسى پۇتبول مۇسابىقىسى باشلىنىشتىن بۇرۇن مېسسىنىڭ دادىسىنىڭ كېسىلى ئېغىرلىشىپ كەتكەن.

سۈرەتلىك خەۋەردە مېسسىنىڭ دادىسىنىڭ قانداق كېسەلگە گىرىپتار بولغانلىقى تىلغا ئېلىنمىغان.