بارسېلونا بۈگۈن كەچتە خانلىق مادرىدنى قارىتىپ قويۇپ چېمپىيون بولالامدۇ؟

بارسېلونا پەقەت بىر نومۇر ئالسىلا مۇددەتتىن ئۈچ ئايلانما بۇرۇن چېمپىيون بولىدۇ، خانلىق مادرىد رەقىبىنىڭ چېمپىيونلۇقنى قولغا كەلتۈرۈشىنى توسۇپ قالالامدۇ؟ ئەگەر بۇ مەيدان مۇسابىقە ئاخىرلاشسا، خانلىق مادرىد بارسېلونانىڭ لوڭقا كۆتۈرگەنلىكىگە گۇۋاھچى بولىدۇ، بەلكىم بۇ مۇسابىقە دۆلەت دېربىيسى تارىخىدىكى بۇرۇلۇش نۇقتىسى بولۇپ قېلىشى مۇمكىن.

5-ئاينىڭ 11-كۈنى بېيجىڭ ۋاقتىسەھەر سائەت 3:00تە ئوينىلىدىغان ئىسپانىيە بىرلەشمىسىنىڭ 35-ئايلانمىسىدىكى دۆلەت دېربىيسى مۇسابىقىسىدە بارسېلونا ساھىبخان مەيداندا خانلىق مادرىد بىلەن مۇسابىقىلەشتى. پەقەت بىر مەيدان تەڭلەشسىلا، بارسېلونا مۇددەتتىن ئۈچ ئايلانما بۇرۇن چېمپىيونلۇققا ئېرىشەلەيدۇ. مىباپپېنىڭ مۇسابىقىگە قاتنىشىشى گۇمانغا ئايلاندى، خانلىق مادرىدتىن ئالتە ئادەم يارىلىنىپ مەيدانغا چۈشەلمەيدۇ، ئەگەر بارسېلونانىڭ چىمپىيونلۇقىنى قولغا كەلتۈرۈشىنى توسقىلى بولمىسا، خانلىق مادرىد مۇددەتتىن بۇرۇن «تۆت چوڭ مۇسابىقىنىڭ ھەممىسىدە قۇرۇق قېلىش»نى جەزىملەشتۈرىدۇ.

[ئۇچرىشىش تارىخى]

ئىككى كوماندا جەمئىي 263 قېتىم ئۇچراشقان بولۇپ، بارسېلونا 105 مەيدان غەلىبە قىلىپ، 51 مەيدان تەڭلىشىپ، 107 مەيدان مەغلۇپ بولۇپ، 439 توپ كىرگۈزۈپ، 447 توپ كەتكۈزگەن. بۇ پەسىللىك ئىسپانىيە بىرلەشمىسىنىڭ 10-ئايلانمىسىدا، بارسېلونا مېھمان مەيداندا 2:1 نەتىجىدە خانلىق مادرىدقا ئۇتتۇرۇپ قويدى.

چېمپىيونلۇقنى تالىشىش! بارسېلونا تەڭلەشسىلا چېمپىيونلۇققا ئېرىشىدۇ

ئىسپانىيە بىرلەشمىسىنىڭ جۇغلانما نومۇر رەت تەرتىپىدە بارسېلونا 34 مەيدان مۇسابىقىدە 88 نومۇرغا، خانلىق مادرىد 34 مەيدان مۇسابىقىدە 77 نومۇرغا ئېرىشتى. ئىسپانىيە بىرلەشمىسىنىڭ ئاخىرقى تۆت ئايلانمىسىلا قالدى، بارسېلونانىڭ ئۈستۈنلۈكى 11 نومۇرغا يەتتى. بۇ مەيدان دۆلەت دېربىيسىدا، بارسېلونانىڭ مۇددەتتىن ئۈچ ئايلانما بۇرۇن چېمپىيونلۇققا ئېرىشىشىدىن ئۈمىد بارلىقىدىن دېرەك بېرىدۇ، پەقەت يەنە بىر نومۇر ئالسىلا، بارسېلونا كوماندا تارىخىدىكى 29-بىرلەشمە چىمپىيونلۇق لوڭقىسىنى قولغا كەلتۈرەلەيدۇ. ئىسپانىيە بىرلەشمىسى تارىخىدا بارسېلونا ئەزەلدىن دۆلەت دېربىيسىدا چېمپىيونلۇققا ئېرىشىشنى بېكىتىپ باقمىغان، بۇ مەيدان مۇسابىقىدە تارىخ يارىتىشىدىن ئۈمىد بار.

مىباپپېنىڭ مەيدانغا چىقىشى گۇمانلىق بولۇپ قالدى، خانلىق مادرىدتىن ئالتە توپچى سەپ شەكلىگە كىرەلمەيدۇ

ئۆتكەن 1-2 ئايدىكى خانلىق مادرىد ئىزچىل تەۋرىنىپ قالدى، كىيىم ئالماشتۇرۇش ئۆيىدە قالايمىقانچىلىق، توقۇنۇش ئۈزۈلمىدى، چوئامېنى ۋالۋېردنى ئۇردى، ئىچكى توقۇنۇشنى يۇقىرى پەللىگە كۆتۈردى. ۋالۋېردنىڭ باش قىسمى يارىلاندى، ئىككى ھەپتە ئارام ئېلىشقا توغرا كەلدى، گەرچە مىباپپې مەشىققە قاتناشقان بولسىمۇ، لېكىن دۆلەت دېربىيسىدا مەيدانغا چىقىش-چىقالماسلىقى توغرىسىدا يەنىلا گۇمان بار.

رودرىگو، مىلىتاۋ، ئاردا گۈلەر، مېندى بۇ مۇسابىقە پەسلىدىن خوشلاشتى، كارۋاخال يەنە بىر ھەپتە ئارام ئېلىشى كېرەك، خانلىق مادرىدنىڭ يارىلانغان توپچىلىرى كۆپىيىپ كەتتى، ئالتە ئادەم دۆلەت دېربىيسىغا قاتنىشالمايدۇ، بارسېلونا جەھەتتە، يامال داۋاملىق چۈشۈپ قالدى، قالغان توپچىلار ساغلام ھالەتنى ساقلىدى.

پات ئارىدا خانلىق مادرىد ئىككى خىل زەربىگە دۇچ كېلىدۇ

ئەگەر بارسېلونانى مەغلۇپ قىلالمىسا، خانلىق مادرىدنىڭ 2025/2026 مۇسابىقە پەسلى 0 چېمپىيونلۇق بىلەن ئاخىرلىشىدۇ: ئىسپانىيە دەرىجىدىن تاشقىرى لوڭقىسىدا بارسېلوناغا ئۇتتۇرۇپ قويۇپ شاھلىق لوڭقىسىدىن قۇرۇق قالغان، ياۋروپا چېمپىيونلۇق بىرلەشمىسىنىڭ 1/4 ھەل قىلغۇچ مۇسابىقىسىدە بايرېن مىيۇنخېنغا ئۇتتۇرۇپ شاللانغان، ئىسپانىيە بىرلەشمىسىدە مۇددەتتىن ئۈچ ئايلانما بۇرۇن چېمپىيونلۇققا ئېرىشەلمەسلىكى مۇمكىن. ئېنىقلى بۇ مۇسابىقە پەسلىدىكى خانلىق مادرىدقا مەغلۇبىيەت بىلەن ئېنىقلىما بەرگىلى بولىدۇ. نوكەمپو مەيدانىدا بارسېلونانىڭ چېمپىيونلۇققا ئېرىشكەنلىكىنى كۆرۈش خانلىق مادرىدقا نىسبەتەن يەنە بىر پىسخىكىلىق زەربە ھېسابلىنىدۇ.

ئىككى تەرەپنىڭ ئاساسلىق ئەزالار پەرەز سەپ شەكلى:

بارسېلونا (4231): خوئان گارسىيا / ئېرىك گارسىيا، كۇباسى، مارتىنېز، كانسېلو / گاۋى، پېدرى / بادېجى، ئولمو، فېرمىن / لېۋاندوۋىسكى

خانلىق مادرىد (4231): لۇنىن / ئارنولد، رۇدىگېر، ھېيسون، كارېراس / چوئامېنى، پىتاچ / مارستانتو، بېللىڭھام، دىياس / ۋىنىسىئۇس