ئارگېنتىنا دۆلەت كوماندىسىنىڭ ئاساسلىق ۋاراتارى دارمىئان مارتىنېز ئارگېنتىنا كوماندىسى بىلەن ئىسپانىيە كوماندىسى ئوتتۇرىسىدىكى ياۋروپا-ئامېرىكا لوڭقىسى ھەل قىلغۇچ مۇسابىقىسىنىڭ دۇنيا لوڭقىسى ھەل قىلغۇچ مۇسابىقىسىدەك ئەھمىيىتى بارلىقىنى، كوماندىنىڭ ئۆز ئەمەلىي كۈچىنى نامايان قىلالايدىغانلىقىنى بىلدۈردى.

مارتىنېز يېقىندا لوندوندا ئارگېنتىنا پۇتبول بىرلەشمىسى تەشكىللىگەن بىر مەيدان پائالىيەتكە قاتناشقان بولۇپ، بۇ پائالىيەت ئاساسلىقى ئارگېنتىنا پۇتبولچىلار بىرلەشمىسىنىڭ كەلگۈسى تەرەققىيات نىشانى ۋە خەلقئارا كېڭەيتىش يۆنىلىشىنى چۆرىدەپ قانات يايدۇرۇلغان. پائالىيەت مەزگىلىدە ئارگېنتىنالىق بۇ دۆلەت كوماندىسىنىڭ قاپقىچىسىنىڭ 3-ئايدا قاتاردا ئىسپانىيە كوماندىسى بىلەن بولىدىغان ياۋروپا-ئامېرىكا لوڭقىسى ھەل قىلغۇچ مۇسابىقىسى توغرىسىدا توختالدى.

مارتىنېز بۇ مەيدان قىزىق نۇقتىلىق جەڭ توغرىسىدا توختىلىپ مۇنداق دېدى: «ئىسپانىيە بىلەن بولغان بۇ مەيدان ياۋروپا-ئامېرىكا لوڭقىسى بەلكىم دۇنيا لوڭقىسى ھەل قىلغۇچ مۇسابىقىسىنىڭ دەرىجىسىدىكى رىقابەت بولۇشى مۇمكىن. بۇ بىر قېتىملىق ئەمەلىي جەڭ مانېۋىرى، شۇنداقلا بىز غەلىبە قىلىشقا ئىنتايىن تەشنا بولغان مۇھىم چېمپىيونلۇق.»

ئۇ ئالدىنقى نۆۋەتلىك ياۋروپا-ئامېرىكا لوڭقىسى پۇتبول مۇسابىقىسىدىكى كەچۈرمىشىنى ئەسلەپ ئۆتۈپ، بۇ تۈردىكى مۇسابىقىنىڭ ئەھمىيىتىنى يەنىمۇ ئىلگىرىلىگەن ھالدا بايان قىلدى، ئۇ مۇنداق دېدى: «ئالدىنقى قېتىم ۋېمبلېي مەيدانىدا ئىتالىيە كوماندىسى بىلەن مۇسابىقىلەشكەندە بىز قالتىس ئىپادىمىزنى چىقاردۇق، بۇ بىر مەيدان ھەل قىلغۇچ مۇسابىقە، ھەتتا يېرىم ھەل قىلغۇچ مۇسابىقە. دەل شۇ مەيدان مۇسابىقە بىزگە ئۆزىمىزنىڭ دۇنيا لوڭقىسى پۇتبول مۇسابىقىسىگە قاتنىشىش ئەمەلىي كۈچىمىزنىڭ بارلىقىنى ھېس قىلدۇردى. 3-ئايدا قاتاردا ئىسپانىيە كوماندىسى ئوتتۇرىسىدىكى يەنە بىر مەيدان ھەل قىلغۇچ مۇسابىقە ئوينايمىز، مەيلى نەتىجىسى قانداق بولسۇن، بىز ئۆزىمىزنى دۇنيا لوڭقىسى پۇتبول مۇسابىقىسىگە تەييارلىق قىلىپ بولغاندەك ھېس قىلىمىز.»

2026-يىللىق دۇنيا لوڭقىسى پۇتبول مۇسابىقىسى توغرىسىدا سورالغاندا، مارتىنېز خېلى سوغۇققان بولدى. ئۇ ھازىر دىققىتىنى بۇنداق يىراق نىشانغا مەركەزلەشتۈرەلمەيدىغانلىقىنى بىلدۈرگەن. مارتىنېز مۇنداق دېگەن: «ھازىر ئۇنداق يىراقنى ئويلاشقا بولمايدۇ. ئېسىمدە قېلىشىچە، ئەينى يىلى قاتارغا بېرىشتىن بۇرۇنقى بىر ھەپتىدە بىز يەنىلا باشقا مۇسابىقىلەرنى ئويناۋاتقان ئىدۇق. ھازىر يېرىم يىلدىن كېيىنكى دۇنيا لوڭقىسى پۇتبول مۇسابىقىسىنى سۆزلەشنىڭ ئەھمىيىتى يوق، ئالدىدا ماڭىدىغان يول تېخى ئۇزۇن.»