رودرىگو قىيىن ئۆتكەلدىن ئۆتكەندىن كېيىن ئالونسونى قۇچاقلىدى، بېللىڭھام «تىرېنېر ناھايىتى قالتىس» دېدى، كۇرتۇۋا پۈتۈن كوماندىنىڭ %100 قوللىشىنى تەكىتلىدى، گەرچە ياۋروپا چېمپىيونلۇق بىرلەشمىسىدە مەغلۇپ بولغان بولسىمۇ، خانلىق مادرىد ھەرىكىتى ئارقىلىق كىيىم ئالماشتۇرۇش ئۆيىنى تەڭشىمەكچى بولدى. ئېنىقكى، باشقۇرۇش قاتلىمى تېخى تىرېنېر ئالماشتۇرۇشنى ئويلاشمىدى، كەلگۈسى ئۈچ مەيدان مۇسابىقە ئالونسونىڭ كەلگۈسىنى بەلگىلەيدۇ.

ياۋروپا چېمپىيونلۇق بىرلەشمىسى باسقۇچى 6-ئايلانمىسىدا خانلىق مادرىد 2:1 نەتىجىدە مانچېستېر شەھىرىگە ئۇتتۇرۇپ قويدى. 44 ياشلىق ئالونسو ئىشتىن بوشىتىلىش كىرىزىسىغا چوڭقۇر پېتىپ قالدى. 12-ئاينىڭ 11-كۈنىدىكى «ئا س گېزىتى» ماقالە ئېلان قىلىپ، خانلىق مادرىدنىڭ پەسكويغا چۈشۈپ قالغانلىقىنى، نۇرغۇن توپچىلارنىڭ پوزىتسىيەسىنى ئاشكارا ئىپادىلەپ، تىرېنېر ئالونسونى قوللىغانلىقىنى كۆرسەتتى. رودرىگو، بېللىڭھام، كۇرتۇۋا، رائۇل ئاسېنسىئودىن ئىبارەت تۆت توپچى «تىرېنېر بىلەن مۈرىنى مۈرىگە تىرەپ كۈرەش قىلىش» پوزىتسىيەسىنى بىلدۈردى.

«ئالونسو يالغۇز ئەمەس»، «ئا س گېزىتى» شۇنداق دەپ يازدى. خانلىق مادرىد 2:1 نەتىجىدە مانچېستېر شەھىرىگە ئۇتتۇرۇپ قويغان مۇسابىقىدە، ئاز دېگەندە تۆت توپچى ئالونسونى قوللايدىغانلىقىنى ئاشكارا بىلدۈردى.

رودرىگو ئەڭ ئاۋۋال پوزىتسىيەسىنى ئىپادىلىگەن. مانچېستېر شەھىرىگە بىر توپ كىرگۈزۈپ، ئۆزىنىڭ 32 مەيدان ئۇزۇن مەزگىل توپ كىرگۈزەلمەسلىكتەك ھالىتىنى بۇزۇپ تاشلىغاندىن كېيىن رودرىگو يان تەرەپكە يۈگۈرۈپ بېرىپ ئالونسونى قۇچاقلىدى. بۇ ناھايىتى سىمۋوللۇق ئەھمىيەتكە ئىگە ھەرىكەت، بۇ مۇسابىقە پەسلىدىكى رودرىگونىڭ زاپاس ئەزاغا ئايلىنىپ قېلىشى ئىزچىل ئالونسوغا قارشى تۇرىدىغان توپچى دەپ قارىلىپ كەلگەن، لېكىن بىرازىلىيەلىك بۇ ھۇجۇمچى ھەرىكىتى ئارقىلىق بۇنداق مىش-مىش پاراڭلارنى تارمار قىلدى.

مۇسابىقىدىن كېيىن رودرىگو زىيارەتنى قوبۇل قىلغاندا مۇنداق دېدى: «بىز قىيىنچىلىققا يولۇقتۇق، لېكىن بىز باش تىرېنېر بىلەن مۈرىنى مۈرىگە تىرەپ كۈرەش قىلىپ، ئىتتىپاقلىشىپ قىيىنچىلىقتىن قۇتۇلۇپ، نىشانىمىزنى ئەمەلگە ئاشۇرىمىز». رودرىگو پوزىتسىيەسىنى ئۆزگەرتىپ، ئالونسو بىلەن زىددىيەتنى ھەل قىلىشنى خالايدۇ، بۇ كىيىم ئالماشتۇرۇش ئۆيىدىكى بىرلىشىشنىڭ ئاكتىپ سىگنالى.

بېللىڭھاممۇ مۇسابىقىدىن كېيىن ئالونسونى قوللايدىغانلىقىنى بىلدۈردى. «تىرېنېر ناھايىتى قالتىس، شەخسەن مېنىڭ ئۇنىڭ بىلەن بولغان مۇناسىۋىتىم ناھايىتى ياخشى، نۇرغۇن سەپداشلىرىممۇ شۇنداق. بىزنىڭ نۇرغۇن ئىچكى سۆھبىتىمىز بولغان، ھېچكىم ۋاز كەچمىدى، ھېچكىم ئاغرىنمىدى، ھېچكىم ئاھ ئۇرمىدى. بىز ۋەزىيەتنى ئۆزگەرتىپ، ئىزغا چۈشۈشنى ئۈمىد قىلىمىز.»

ۋاراتار كۇرتۇۋا مۇنداق دېدى: «ھەممىمىز يېڭىشنى ئويلايمىز. ئىسپانىيە بىرلەشمىسىدە بىز نۇرغۇن نومۇر كەتكۈزۈپ قويدۇق؛ ياۋروپا چېمپىيونلۇق بىرلەشمىسىدە بىزمۇ ئالدىنقى سەككىز كوماندا (16 كۈچلۈك كوماندا)گە كىرەلمەسلىكنى خالىمايمىز. مانچېستېر شەھىرى بىلەن بولغان مۇسابىقىدە، بىز تىرېنېرنى مۇتلەق قوللايدىغان ئىپادىمىزنى نامايان قىلىپ، %100 پوزىتسىيەدە بولدۇق. مېنىڭ دېمەكچى بولغىنىم، كىيىم ئالماشتۇرۇش ئۆيى ئالونسونىڭ تاكتىكا مەقسىتىنى تەدرىجىي چۈشىنىپ، رائۇل ئالونسومۇ ئۇنى %100 قوللايدۇ، بىزنىڭ كەيپىياتىمىز ناھايىتى ياخشى. توپچى بولۇش سۈپىتىمىز بىلەن بىزنىڭ قىلالايدىغىنىمىز پوزىتسىيەمىزنى ئۆزگەرتىش، بۇ ئەڭ مۇھىم ئىش.»

يۆتكىلىش مۇخبىرى رومانومۇ گەرچە خانلىق مادرىد 2:1 نەتىجىدە مانچېستېر شەھىرىگە ئۇتتۇرۇپ قويغان بولسىمۇ، لېكىن كۇلۇبنىڭ ئالونسونى ئىشتىن بوشىتىش ئويى يوقلىقىنى بىلدۈردى. خانلىق مادرىد باشقۇرۇش قاتلىمى ئالونسوغا ۋەزىيەتنى ئۆزگەرتىش پۇرسىتى بېرىدۇ، بىراق سەۋرچانلىقىمۇ چەكلىك. 2025-يىلىدىكى خانلىق مادرىدنىڭ يەنە ئۈچ مەيدان مۇسابىقىسى بار، يەنى ئالاۋېس، تاراۋىيا، سېۋىللا قاتارلىقلار، كوماندا چوقۇم چېكىنىشنى توختىتىشى كېرەك، ئالونسوغا نىسبەتەن بۇ ئۈچ مەيدان مۇسابىقە ئىنتايىن مۇھىم.