خانلىق مادرىد ساھىبخان مەيداندا 2:0 نەتىجە بىلەن سېلتاغا ئۇتتۇرۇپ قويۇپ، ئىسپانىيە ئا دەرىجىلىكلەر بىرلەشمىسى رەت تەرتىپىدە سەركىلىك ئورۇندا تۇرۇۋاتقان بارسېلونادىن تۆت نومۇر ئارقىدا قالدى. مۇسابىقىدىن كېيىن، ئىسپانىيەلىك داڭلىق ئوبزورچى رونسېرو مۇسابىقە توغرىسىدا توختالدى. تىلغا ئېلىشقا ئەرزىيدىغىنى شۇكى، ASTV ئېلان قىلغان بىر ۋىدېيودا، رونسېرو روھى جەھەتتىن مەيۈسلىنىپ، خۇدىنى يوقىتىپ قويغاندەك بولغان.

رونسېرو مۇنداق دېدى: «مادرىد خۇددى ئىككى قۇتۇپقا بۆلۈنگەن غەلىتە چەمبىرەككە ئوخشايدۇ. مەن خانلىق مادرىدنىڭ بۇ مۇسابىقە پەسلىدە زادى نېمە مۇسابىقە ئويناۋاتقانلىقىنى بارغانسېرى چۈشىنەلمەيۋاتىمەن، ئۇلار كۆچمە قۇم ۋە قىلتاققا پېتىپ قالغاندەك بولۇپ، توپ مەستانىلىرىنى ئۇدا ئىككى كۈن ياخشى كەيپىياتىنى ساقلاپ قالالمىغۇدەك ھالغا چۈشۈرۈپ قويدى، ئۇلار ھەممىمىزنى ئالدىدى. مەن يەنىلا بالىلارچە روھىي ھالىتىمنى ساقلاپ كېلىۋاتىمەن، بۇ بىر نەچچە كۈندىن بۇيان ئىزچىل خىيال قىلدىم، كوماندا بېرنابۇدىن ئايرىلىپ 36 كۈندىن كېيىن قايتىپ كېلىشكە مەجبۇر بولغاندا، كوماندا كىشىنى ھەيران قالدۇرىدىغان پۇتبول بىلەن پۈتۈن مەيداننى بويسۇندۇرىدۇ، دەپ ئويلىغان. لېكىن، بۇ خۇددى تولغىما ئۇسسۇل مۇزىكىسىغا ئوخشاش، قۇرۇق ۋەدە بەرسىمۇ، ئەڭ ئاخىرىدا ئەمەلگە ئاشمىدى.»