ئاسىيا پۇتبول بىرلەشمىسى ھۆكۈمەت تەرەپ يېقىندا «ئاسىيا پۇتبول بىرلەشمىسى دۆلەتلەر بىرلەشمە مۇسابىقىسى»(ئاسىيا دۆلەتلەر بىرلەشمىسى) نى يولغا قويۇشنى پىلانلىغانلىقىنى جاكارلىدى، بۇنىڭدىكى مەقسەت خەلقئارا مۇسابىقە كۆزنەك مەزگىلىدە، ئەھمىيەتلىك خەلقئارا پۇتبول مۇسابىقىلىرىنى قەرەللىك ئۆتكۈزۈشكە ھەقىقىي كاپالەتلىك قىلىشتىن ئىبارەت.

ئاسىيا پۇتبول بىرلەشمىسى ھۆكۈمەت تەرەپ ئۇقتۇرۇشى:

ئاسىيا پۇتبول بىرلەشمىسى پۈتكۈل ئاسىيا چوڭ قۇرۇقلۇقىدىكى دۆلەت كوماندىلىرىنىڭ پۇتبول قۇرۇلۇشىنى كۈچەيتىشكە كۈچ چىقىرىدىغانلىقىنى تەكىتلەپ، يېقىندا ئاسىيا دۆلەتلەر بىرلەشمە مۇسابىقىسىنى يولغا قويۇشنى پىلانلىدى. بۇ ھەرىكەت بۇ تەشكىلاتنىڭ سىجىل تىرىشچانلىقىنىڭ بىر قىسمى بولۇپ، ئەزا جەمئىيەتكە تېخىمۇ كۆپ تەرەققىيات پۇرسىتى يارىتىپ بېرىش ھەم تېخىمۇ سىستېمىلىق، تېخىمۇ ئىمكانىيەتلىك سىجىل بولغان خەلقئارا مۇسابىقە رامكىسى بەرپا قىلىشنى مەقسەت قىلىدۇ.

يېقىندا كۇلۇب مۇسابىقە سىستېمىسىنى مۇۋەپپەقىيەتلىك ئىسلاھ قىلغاندىن كېيىن، ئاسىيا پۇتبولچىلار بىرلەشمىسى ئىستراتېگىيەلىك تەدبىرلەرنى سىجىل كۈچەيتتى، بۇنىڭدىكى مەقسەت ئىمكانىيەتلىك سىجىل ئېشىشنى قوللاش، ماھارەت تەڭپۇڭلۇقىنى ساقلاش، مۇسابىقىنىڭ ئاشكارىلىنىش دەرىجىسىنى ئۆستۈرۈش، شۇنىڭ بىلەن بىللە، دۆلەت كوماندىلىرىنىڭ مۇسابىقە كۈنتەرتىپى ئورۇنلاشتۇرۇشىنىڭ ئېنىقلىقىنى ئەلالاشتۇرۇشتىن ئىبارەت.

ئاسىيا پۇتبولچىلار بىرلەشمىسى باشتىن-ئاخىر ھەرقايسى ئەزا جەمئىيەتلەرنى يۇقىرى سۈپەتلىك، سىجىل تەرەققىيات يولى بىلەن تەمىنلەشكە كۈچ چىقىرىپ، ئاسىيا پۇتبولچىلىقىنىڭ تەرەققىياتىنى تۈرتكە بولۇش

ئۇزاق مۇددەتلىك ئارزۇسىنى ئەمەلىيەتتە كۆرسەتتى. لېكىن رەقىب بايلىقى كەمچىل بولۇش، تىجارەت تەننەرخى ئۆرلەپ كېتىش ھەم ئارقا سەپنىڭ مۇرەككەپلىكى سەۋەبىدىن، خەلقئارا مۇسابىقە كۆزنىكىدىن ئۈنۈملۈك پايدىلىنىش كۈنسېرى قىيىنلىشىپ، خەلقئارا مۇسابىقىلەرنىڭ ماھارەت قىممىتى ئارقا-ئارقىدىن ئاجىزلاشتى.

بۇ خىرىسلار تېخىمۇ سىستېمىلاشقان، ئالدىن مۆلچەرلىگىلى بولىدىغان ھەم ئىمكانىيەتلىك سىجىل بولغان دۆلەت كوماندىسى مۇسابىقە رامكىسى بەرپا قىلىشنىڭ زۆرۈرلۈكىنى گەۋدىلەندۈردى. ئومۇميۈزلۈك ئىچكى قىسىمدا باھالاش ۋە كېڭىشىشتىن كېيىن، ئاسىيا پۇتبولچىلار بىرلەشمىسى پىرىنسىپ جەھەتتە «ئاسىيا پۇتبولچىلار بىرلەشمىسى دۆلەتلەر بىرلەشمە مۇسابىقىسى»نى يولغا قويۇشنى قارار قىلىدۇ. بۇ مۇسابىقىدىكى مەقسەت خەلقئارا مۇسابىقە كۆزنەك مەزگىلىدە قەرەللىك ھالدا ماھىيەتلىك ئەھمىيەتكە ئىگە خەلقئارا مۇسابىقىلەرنى ئۆتكۈزۈشكە ھەقىقىي كاپالەتلىك قىلىپ، دەرىجىگە ئايرىپ ئىلگىرى سۈرۈشبىلەن بولغان ماھارەت تەڭپۇڭلۇقى ئارقىلىق، مەركەزلىك ماسلاشتۇرۇشتىن پايدىلىنىپ تەننەرخ، ئۈنۈمنى ئۆستۈرۈش ھەم دۆلەت كوماندىلىرىنى ئېنىق بولغان دەرىجە ئۆستۈرۈش يولى بىلەن تەمىنلەشتىن ئىبارەت.

ئاسىيا پۇتبولچىلار بىرلەشمىسىنىڭ باش كاتىپى نادۇسلىۋېنسا جون بۇ تەشەببۇسقا باھا بېرىپ مۇنداق دېدى:«ئاسىيا پۇتبولچىلار بىرلەشمىسى دۆلەتلەر بىرلەشمە مۇسابىقىسى بىزنىڭ 47 ئەزا دۆلەتنىڭ تەرەققىياتىنى سىجىل قوللىشىمىزدىكى مۇھىم تەدبىر. خەلقئارا پۇتبولچىلار بىرلەشمىسىنىڭ مۇسابىقە كۆزنەك مەزگىلىدە قۇرۇلمىلاشقان مۇسابىقە سۇپىسىنى يولغا قويۇش ئارقىلىق، تېخىمۇ مۇقىم مۇسابىقە كۈنتەرتىپى ئورۇنلاشتۇرۇشى ۋە ئېنىق بولغان ماھارەت كۆرسىتىش رىغبەتلەندۈرۈش مېخانىزمىغا تايىنىپ، بىز ھەرقايسى دۆلەت كوماندىلىرىنىڭ يۇقىرى سۈپەتلىك مۇسابىقە پۇرسىتىگە سىجىل ئېرىشىشىگە ھەقىقىي كاپالەتلىك قىلىش بىلەن بىللە، ئۇلار دۇچ كەلگەن ئارقا سەپ ۋە تەننەرخ قىيىن مەسىلىسىنى ھەل قىلىشنى مەقسەت قىلىمىز».

«ماھارەت كۆرسىتىش ئۈنۈمىدىن باشقا، بىز سودا ھەمكارلىق ھەمراھلىرىمىزنىڭ دۆلەتلەر بىرلەشمە مۇسابىقىسى ئەندىزىسىگە بولغان كۈچلۈك قىزىقىشى ۋە كۈنسېرى ئېشىۋاتقان ئېھتىياجىنى نامايان قىلغانلىقىغا دىققەت قىلدۇق، بۇ، ئۇنىڭ توپ مەستانىلىرى، ئۇلاپ تارقىتىش سودىگەرلىرى ھەم مەنپەئىتى مۇناسىۋەتلىك تەرەپلەرگە بولغان جەلپ قىلىش كۈچى ھەمدە تېخىمۇ ھۇزۇرلىنىش خاراكتېرىگە ۋە سودا قىممىتىگە ئىگە خەلقئارا پۇتبول مۇسابىقىسى مەھسۇلاتلىرىنى بەرپا قىلىش يوشۇرۇن كۈچىنى تولۇق نامايان قىلدى».

مۇسابىقە ئىشلىرى مۇسابىقە تۈزۈمى، ۋاقىت ئورۇنلاشتۇرۇشى ھەم يولغا قويۇش تەپسىلىي قائىدىسى ئاسىيا پۇتبول بىرلەشمىسىنىڭ ئالاقىدار كومىتېتلىرىنىڭ قاراپ چىقىشى ھەم مەنپەئىتىگە مۇناسىۋەتلىك تەرەپلەرنىڭ كېڭىشىشى ئارقىلىق بېكىتىلىدۇ ھەم مۇۋاپىق ۋاقىتتا ئېلان قىلىنىدۇ.